ന്യൂദല്ഹി:വ്യവസായ വളര്ച്ച കീഴോട്ടായ കേരളത്തില് മൂവായിരത്തി അഞ്ഞൂറ് കോടി മുതല് മുടക്കിയ വ്യവസായ ഗ്രൂപ്പിന് സംസ്ഥാനം വിടേണ്ടി വന്നെന്ന് കേന്ദ്ര ധനമന്ത്രി നിര്മ്മല സീതാരാമന്.കുറ്റകൃത്യങ്ങളുടെ പട്ടികയിലും കേരളം മുന്നിലെത്തി.നിലവിലെ മുഖ്യമന്ത്രിയുടെ ഭരണത്തിലാണ് ഇതൊക്കെയെന്ന് നിര്മ്മല സീതാരാമന് കുറ്റപ്പെടുത്തി.
ബജറ്റ് ചര്ച്ചയില് പാര്ലമെന്റില് മറുപടി പറയുകയായിരുന്നു നിര്മ്മല സീതാരാമന്.അതേസമയം, ബജറ്റിലെ കേരളത്തോടുള്ള അവഗണനയില് പ്രതിഷേധിച്ച് കേരളത്തില് നിന്നുള്ള എംപിമാര് രാത്രി പാര്ലമെന്റില് പ്രതിഷേധിച്ചു.
അതി രൂക്ഷമായ വിമര്ശനമാണ് ധനമന്ത്രി നിര്മ്മല സീതാരാമന് മുഖ്യമന്ത്രി പിണറായി വിജയനും, സംസ്ഥാന സര്ക്കാരിനുമെതിരെ നടത്തിയത്. 3500 കോടി രൂപ മുതല് മുടക്കിയ വ്യവസായ ഗ്രൂപ്പിന് കേരളം വിടേണ്ടി വന്നുവെന്ന് കിറ്റക്സ് ഗ്രൂപ്പിനെ സൂചിപ്പിച്ചാണ് ധനമന്ത്രി പറഞ്ഞത്.വ്യവസായത്തെ ആകര്ഷിക്കാന് കേരളം ഒന്നും ചെയ്യുന്നില്ലെന്നും അവര് പറഞ്ഞു.
കമ്യൂണിസ്റ്റുകള് അധികാരത്തിലിരിക്കുന്നിടത്തെല്ലാം സാമ്പത്തിക രംഗം തകര്ന്നു.ബംഗാളിനെ കൂടി ഉദാഹരണമായി ധനമന്ത്രി ചൂണ്ടിക്കാട്ടി.
