തിരുവനന്തപുരം: മുസ്ളീം ലീഗിന്റെ മുന്ഗണന മതേതരത്വം സംരക്ഷിക്കുകയെന്നതാണെന്ന് പ്രതിപക്ഷ നേതാവ് വി ഡി സതീശന്റെ സര്ട്ടിഫിക്കറ്റ്. വര്ഗീയ ശക്തികളെ കുഴിച്ചു മൂടാനും മതേതരത്വം സംരക്ഷിക്കാനും ഏതറ്റം വരെയും പോകുമെന്നും അദ്ദേഹം പ്രഖ്യാപിച്ചു. കോണ്ഗ്രസിന്റെയും യു.ഡി.എഫിന്റെയും മതേതര കാഴ്ചപ്പാടിന് നരേന്ദ്ര മോദിയുടെ സര്ട്ടിഫിക്കറ്റിന്റെ ആവശ്യമില്ലന്നും പ്രതിപക്ഷ നേതാവ് പറഞ്ഞു.
കേരളത്തില് ബി.ജെ.പിയുടേയും സംഘ്പരിവാറിന്റെയും തിരഞ്ഞെടുപ്പ് അജണ്ട വര്ഗീയത മാത്രമാണെന്ന് പ്രധാനമന്ത്രിയുടെ പ്രസംഗത്തിലൂടെ വ്യക്തമായി. പക്ഷെ ഇത് മതേതര കേരളമാണെന്ന് മോദിക്കും ബി.ജെ.പിക്കും ഉടന് ബോധ്യമാകുമെന്നും സതീശന് അവകാശപ്പെട്ടു.
