തിരുവനന്തപുരം:ശബരിമല സ്വര്ണക്കൊള്ള കേസില് ദേവസ്വം ബോര്ഡ് മുന് അംഗവും സി പി ഐ നേതാവുമായ കെ.പി ശങ്കരദാസിനെ ജയിലിലേക്ക് മാറ്റി. തിരുവനന്തപുരം മെഡിക്കല് കോളേജിലെ സെല്ലില് ചികിത്സയില് ആയിരുന്ന ശങ്കരദാസിനെ ആരോഗ്യനില മെച്ചപ്പെട്ടതിനെ തുടര്ന്നാണ് ജയിലിലേക്ക് മാറ്റിയത്.
ആരോഗ്യ പ്രശ്നങ്ങളെ തുടര്ന്ന് തിരുവനന്തപുരത്തെ സ്വകാര്യ ആശുപത്രിയില് ചികിത്സയിലായിരുന്നു കേസിലെ പതിനൊന്നാം പ്രതിയായ ശങ്കരദാസ്. കഴിഞ്ഞ പതിനാലാം തീയതി ആണ് ആശുപത്രിയിലെത്തി എസ്ഐടി ശങ്കരദാസിന്റെ അറസ്റ്റ് രേഖപ്പെടുത്തിയത്. നേരത്തേ സ്വകാര്യ ആശുപത്രിയിലെ ഐസിയുവിലായിരുന്ന ശങ്കരദാസിനെ മുറിയിലേക്കു മാറ്റിയതിന് പിന്നാലെ അറസ്റ്റ് രേഖപ്പെടുത്തുകയായിരുന്നു.
എ പത്മകുമാര് ദേവസ്വം ബോര്ഡ് ചെയര്മാനായിരുന്നപ്പോള് ദേവസ്വം ബോര്ഡ് അംഗമായിരുന്നു ശങ്കരദാസ്. ശങ്കരദാസിനെ അറസ്റ്റ് ചെയ്യാത്തതിനെ ഹൈക്കോടതി രൂക്ഷമായി വിമര്ശിച്ചിരുന്നു.
