മൂന്നരക്കോടി വർഷം മുൻപ് ഒരു ഛിന്നഗ്രഹം റഷ്യയിലെ സൈബീരിയയുടെ വടക്കൻ ഭാഗത്തുള്ള ടൈമീർ മേഖലയിൽ പതിച്ചു. ഈ പതനത്തിൽ പാറകൾ ഉരുകിപ്പോയി. അവശിഷ്ടങ്ങൾ ബഹിരാകാശ പോപിഗായ് ക്രേറ്റർത്തേക്ക് ഉയർന്നു. ഇവയിൽ ചിലത് മറ്റു ഭൂഖണ്ഡങ്ങളിൽ വരെ പതിച്ചു. അന്നു രൂപപ്പെട്ട വൻഗർത്തമാണു 100 കിലോമീറ്ററിലധികം വ്യാസമുള്ള പോപിഗായ് ക്രേറ്റർ.
ഇടി നടന്ന് ക്ഷണനേരത്തിനുള്ളിൽ ലക്ഷക്കണക്കിന് ആണവസ്ഫോടനങ്ങൾക്കു തുല്യമായ ഊർജം ഉൽപാദിപ്പിക്കപ്പെട്ടു, സൂര്യോപരിതലത്തിലേക്കാൾ ഉയർന്ന താപനിലയും. ആഘാതം ഏറ്റുവാങ്ങിയ ബിന്ദുവിൽ നിന്ന് 12–13 കിലോമീറ്റർ ചുറ്റളവിലുണ്ടായിരുന്ന പാറകളിലെ ഗ്രാഫൈറ്റ് ഇതോടെ വജ്രങ്ങളായി മാറി.
ഭൂമിയിലുള്ള മറ്റേതൊരു വജ്രനിക്ഷേപത്തെക്കാൾ വലുതാണു പോപിഗായ് ഗർത്തത്തിലുള്ളത്. എന്നാൽ, 2 മില്ലിമീറ്ററിൽ താഴെ വലുപ്പമേ ഉള്ളൂ. ആഭരണങ്ങൾക്ക് ഉപയോഗിക്കാവുന്ന ശുദ്ധിയും ഇവയ്ക്കില്ല.
