തിരുവനന്തപുരം: കോൺഗ്രസ് പാർട്ടി ഇപ്പോൾ മുസ്ലിംലീഗ്-
മാവോ കോൺഗ്രസ് പാർട്ടിയായിമാറിയെന്ന് പ്രധാനമന്ത്രി നരേന്ദ്രമോദി.
കോൺഗ്രസിന് വികസന പദ്ധതി ഒന്നുമില്ല. അവർ മാവോയിസ്റ്റുകളെക്കാൾ വലിയ കമ്യൂണിസ്റ്റുകളായി. അവർ മുസ്ലിം ലീഗിനേക്കാൾ വലിയ വർഗ്ഗീയ വാദികളായി. അവരിപ്പോൾ മുസ്ലിംലീഗ്-
മാവോ കോൺഗ്രസ്സായി. അവർ കേരളത്തെ വർഗ്ഗീയ പരീക്ഷണ ശാലയാക്കി. അവർ വിഘടനവാദം വളർത്തുകയാണ്. പവിത്ര ഭൂമിയായ കേരളത്തെ ഇവരുടെ പിടിയിൽനിന്ന് മുക്തമാക്കണം, കേരളത്തെ രക്ഷിക്കണം, പ്രധാനമന്ത്രി പറഞ്ഞു. തലസ്ഥാനത്ത് ബിജെപി പ്രവർത്തകരുടെ പൊതു പരിപാടിയിൽ സംസാരിക്കുകയായിരുന്നു പ്രധാനമന്ത്രി.
