കൊച്ചി: ഇടപ്പള്ളിയിലെ ജ്വല്ലറിയില് പെപ്പര് സ്പ്രേ അടിച്ച് മോഷണം.ജീവനക്കാരിയുടെ മുഖത്ത് പെപ്പര് സ്പ്രേ അടിച്ചായിരുന്നു പട്ടാപ്പകല് കവര്ച്ച.മോഷണം നടത്തിയ മലപ്പുറം സ്വദേശികളായ തോമസ്, മാത്യു എന്നിവരെ കളമശേരി പൊലീസ് പിടികൂടി. എന്നാല് സ്വര്ണമെന്ന് കരുതി പ്രതികള് കവര്ന്നത് മോഡലിനായി വെച്ച റോള്ഡ് ഗോള്ഡ് മാലകളായിരുന്നു.
പൂക്കാട്ടുപടി റോഡിലുള്ള സാറാ ഗോള്ഡ് ആന്ഡ് ഡയമണ്ട്സില് തിങ്കളാഴ്ച ഉച്ചയ്ക്ക് ഒന്നരയോടെയാണ് മോഷണം നടന്നത് .കടയില് ഒരു സ്ത്രീ മാത്രമാണ് ഈ സമയം ഉണ്ടായിരുന്നത്.ഹെല്മറ്റ് ധരിച്ച് എത്തിയ തോമസ് അകത്ത് കയറി കടയില് ഉണ്ടായിരുന്ന ജീവനക്കാരിയുടെ മുഖത്തേക്ക് പെപ്പര് സ്പ്രേ അടിച്ച ശേഷം ഷെല്ഫില് ഉണ്ടായിരുന്ന മാലയുമായി പുറത്തേക്ക് ഓടുകയായിരുന്നു.
ബൈക്കില് കയറി രക്ഷപ്പെടാന് ശ്രമിച്ചെങ്കിലും മറ്റൊരു വാഹനവുമായി കൂട്ടിയിടിച്ച് ബൈക്ക് മറിഞ്ഞു.അതോടെ ബൈക്കോടിച്ച് തോമസ് ഒരു ഭാഗത്തേക്കും മാത്യു മറ്റൊരു ഭാഗത്തേക്കും ഓടി. ജ്വല്ലറിയിലെ ജീവനക്കാരുടെ നീക്കങ്ങള് കൃത്യമായി നിരീക്ഷിച്ച് ആസൂത്രണത്തോടെയായിരുന്നു മോഷണമെന്ന് ജ്വല്ലറി ഉടമ പറഞ്ഞു.
സ്വര്ണമെന്ന ധാരണയില് കവര്ന്നത് മോഡലായി വച്ചിരുന്ന 10,000 രൂപ വിലയുളള റോള്ഡ് ഗോള്ഡ് മാലകളായിരുന്നു.മാത്യുവും തോമസും നിലമ്പൂരിലെ മോഷണ കേസുകളില് പ്രതികളാണ്. മുളന്തുരുത്തിയില് നിന്നും മോഷ്ടിച്ച ബൈക്കുമായാണ് പ്രതികള് മാല മോഷണത്തിന് എത്തിയത്.
Main
