ന്യൂദൽഹി: പാകിസ്ഥാനിലെ ഭീകര സംഘടനകൾ ഇന്ത്യയ്ക്കെതിരെ ഭീകരമായ ഗൂഢാലോചന നടത്തുന്ന ഒരു വീഡിയോ പുറത്തുവന്നു. ഭീകരർക്ക് വെള്ളത്തിലൂടെ കർശനമായ തീവ്രവാദ പരിശീലനം നൽകുന്നത് പുതിയതായി പുറത്തുവന്ന വീഡിയോയിൽ കാണാം. ലഷ്കർ-ഇ-തൊയ്ബ (എൽഇടി) നേതാവാണ് പരിശീലനത്തിന് മേൽനോട്ടം വഹിക്കുന്നത്. ജലാശയങ്ങളെ അടിസ്ഥാനമാക്കിയുള്ള ഭീകരാക്രമണങ്ങൾ നടത്താൻ പരിശീലനം നൽകുന്നവരെ “ജലസേന” എന്നാണ് ഈ വീഡിയോയിൽ പരാമർശിക്കുന്നത്.
ലഷ്കർ ‘ജലസേന’ ഒരുക്കുന്നു
OSINT TV സോഷ്യൽ മീഡിയ പ്ലാറ്റ്ഫോമായ എക്സിൽ ഇതുമായി ബന്ധപ്പെട്ട് ഒരു വീഡിയോ പങ്കിട്ടു. ലഷ്കർ-ഇ-തൊയ്ബയുടെ ഒരു വിഭാഗമായ പാകിസ്ഥാൻ മർകാസി മുസ്ലീം ലീഗിന്റെ സെക്രട്ടറി ജനറൽ ഹരീഷ് ദാർ, ലഷ്കർ പരിശീലനക്കാരെ പരിശോധിക്കുകയും പാകിസ്ഥാനിലുടനീളം നടത്തുന്ന അണ്ടർവാട്ടർ പരിശീലനത്തെക്കുറിച്ച് വിശദീകരിക്കുകയും ചെയ്യുന്നത് കാണാം. സ്കൂബ ഡൈവിംഗ്, പ്രൊഫഷണൽ നീന്തൽ, അതിവേഗ ബോട്ട് കൈകാര്യം ചെയ്യൽ, സോഷ്യൽ മീഡിയ പ്രവർത്തനങ്ങൾ എന്നിവ ഈ പരിശീലനത്തിൽ ഉൾപ്പെടുന്നുണ്ട്.
https://x.com/OsintTV/status/2013463335107469647?s=20
കൂടാതെ വീഡിയോയിൽ പരിശീലനാർത്ഥികളോട് അവരുടെ പരിശീലനത്തെക്കുറിച്ച് ദാർ ചോദിക്കുന്നുണ്ട്. നിങ്ങളിൽ ആർക്കെങ്കിലും ആയോധനകലകളോ സ്വയം പ്രതിരോധ പരിശീലനമോ ലഭിച്ചിട്ടുണ്ടോ എന്നും ഭീകരൻ ചോദിക്കുന്നുണ്ട്. പിന്നീട്, മറ്റൊരു ലഷ്കർ നേതാവ് ഒരു “ജലസേന” തയ്യാറാക്കുന്നുണ്ടെന്ന് പറയുന്നത് കേൾക്കാം. 135 യുവാക്കൾക്ക് ബോട്ടിംഗ് പരിശീലനം നൽകിയിട്ടുണ്ടെന്നും ഭീകരൻ വീമ്പിളക്കുന്നുണ്ട്.
ഭീകര നേതാവ് ഹാഫിസ് സയീദിന്റെ ലഷ്കർ-ഇ-തൊയ്ബയുടെ രാഷ്ട്രീയ വിഭാഗമാണ് പാകിസ്ഥാൻ മർകസി മുസ്ലീം ലീഗ്. 2008 ലെ മുംബൈ ആക്രമണത്തിൽ ലഷ്കറും ഹാഫിസ് സയീദും ഉൾപ്പെട്ടിരുന്നു. അതേ സമയം തന്നെ സമീപ ദിവസങ്ങളിൽ, ലഷ്കറിന്റെയോ ജെയ്ഷെ-ഇ-മുഹമ്മദിന്റെയോ ഒരു നേതാവ് പരസ്യമായി ഇന്ത്യാ വിരുദ്ധ പ്രസ്താവനകൾ നടത്തുന്ന സമാനമായ നിരവധി വീഡിയോകൾ പാകിസ്ഥാനിൽ നിന്ന് പുറത്തുവന്നിട്ടുണ്ട്.
