പത്തനംതിട്ട: മാരാമൺ കൺവെൻഷനുമായി ബന്ധപ്പെട്ട് നടത്തിയ പരാമർശത്തിൽ ഹിന്ദു ഐക്യവേദി നേതാവ് കെ പി ശശികല ടീച്ചർക്കെതിരെ പരാതി. യൂത്ത് കോൺഗ്രസ് സംസ്ഥാന സെക്രട്ടറി സാംജി ഇടമുറിയാണ് പത്തനംതിട്ട ജില്ലാ പൊലീസ് മേധാവിക്ക് പരാതി നൽകിയത്.
‘പമ്പ ഒരു നദിയല്ലേ?, കല്ലിട്ടുകെട്ടി തിരിച്ചാണ് വേദി ഉണ്ടാക്കുന്നത്. അത് സ്വന്തം ഭൂമിയാണെന്ന തോന്നലും ചിലർക്ക് വന്നിട്ടുണ്ടെന്നായിരുന്നു131ാമത് മാരമൺ മാരമൺ കൺവെൻഷൻ വേദിയുടെ ചിത്രം പങ്ക് വച്ചുള്ള ശശികല ടീച്ചറിന്റെ ഫേസ്ബുക്ക് പോസ്റ്റ്. മാഘമഹോത്സവം തടയുകയും ആചാരങ്ങളെ രണ്ടായി കാണുകയും ചെയ്ത സർക്കാർ തീരുമാനത്തെ വിമർശിച്ചായിരുന്നു ഫേസ്ബുക്ക് പോസ്റ്റ്.
അതേസമയം പരാതി നൽകിയെന്ന വാർത്തയെ പരിഹസിച്ച് ശശികല ടീച്ചർ രംഗത്തെത്തി . ‘ അയ്യോ സാറേ , തൂക്കിക്കൊല്ലരുതേ , ജീവപര്യന്തം കഠിന തടവു മതിയേ ‘ എന്നാണ് ശശികല ടീച്ചറിന്റെ ഫേസ്ബുക്ക് പോസ്റ്റ്.
