തിരുവനന്തപുരം: പ്രതിമാസം 1000 രൂപ വീതം ഒരു വര്ഷത്തേക്ക് സ്കോളര്ഷിപ്പ് ലഭിക്കുന്ന മുഖ്യമന്ത്രിയുടെ കണക്ട് ടു വര്ക്ക് പദ്ധതിയുടെ പുതുക്കിയ മാര്ഗരേഖയ്ക്ക് മന്ത്രിസഭായോഗം അംഗീകാരം നല്കി. അപേക്ഷകരുടെ കുടുബ വാര്ഷിക വരുമാനം അഞ്ച് ലക്ഷം രൂപയില് കവിയാന് പാടില്ല.
അപേക്ഷകര് കേളത്തിലെ സ്ഥിര താമസക്കാരും അപേക്ഷിക്കുന്ന തിയതിയില് 18 വയസ് പൂര്ത്തിയായവരും 30 വയസ് കവിയാത്തവരുമായിരിക്കണം. കേന്ദ്ര സംസ്ഥാന സര്ക്കാര് വകുപ്പുകള്, കേന്ദ്ര സംസ്ഥാന പൊതുമേഖലാ സ്ഥാപനങ്ങള്/ കേന്ദ്ര സംസ്ഥാന പൊതുമേഖലാ സ്ഥാപനങ്ങളുടെ അനുബന്ധ സ്ഥാപനങ്ങള്/ രാജ്യത്തെ അംഗീകൃത സര്വ്വകലാശാലകള്/ ഡീംഡ് സര്വ്വകലാശാലകള്, നിലവില് പ്രവര്ത്തിച്ചുവരുന്ന ആംഗീകൃത സ്വകാര്യ സ്ഥാപനങ്ങള് എന്നിവിടങ്ങളില് നൈപുണ്യ പരിശീലനം നടത്തുന്നവരോ, യുപിഎസ്സി, സംസ്ഥാന പിഎസ്സി, സര്വ്വീസ് സെലക്ഷന് ബോര്ഡ്, കര, നാവിക, വ്യോമ സേന, ബാങ്ക്, റയില്വെ, മറ്റ് കേന്ദ്ര സംസ്ഥാന പൊതുമേഖലാ റിക്രൂട്ട്മെന്റ് ഏജന്സികള് എന്നിവ നടത്തുന്ന മത്സര പരീക്ഷകള്ക്ക് അപേക്ഷ സമര്പ്പിച്ച് തയ്യാറെടുക്കുന്നവരോ ആയിരിക്കണം അപേക്ഷകര്. അര്ഹരായ ആദ്യത്തെ അഞ്ച് ലക്ഷം പേര്ക്ക് സ്കോളര്ഷിപ്പ് നല്കും.
യുവാക്കളുടെ ആത്മവിശ്വാസം വര്ദ്ധിപ്പിച്ചും പഠനോത്സാഹം നിലനിര്ത്തിയും നൈപുണ്യ വികസനത്തിലൂടെ തൊഴില് സാധ്യതകള് മെച്ചപ്പെടുത്തുക എന്നതാണ് ഈ പദ്ധതിയുടെ ലക്ഷ്യം. സര്ക്കാര് എംപ്ലോയ്മെന്റ് വകുപ്പു മുഖേന ആവിഷ്കരിച്ച് നടപ്പാക്കുന്ന പദ്ധതിയിലേക്ക് employment.kerala.gov.in എന്ന വെബ് പോര്ട്ടല് വഴി അപേക്ഷകള് സമര്പ്പിക്കാം. ഡയറക്ട് ബെനിഫിറ്റ് ട്രാന്സ്ഫര് മുഖേന നേരിട്ട് അപേക്ഷകരുടെ ബാങ്ക് അക്കൗണ്ടിലേക്ക് സ്കോളര്ഷിപ്പ് തുക വിതരണം ചെയ്യും.
