പത്തനംതിട്ട : മകരജ്യോതി ദർശനം നടത്തി നിർവൃതി അടഞ്ഞ് ഭക്തലക്ഷങ്ങൾ . വിവാദങ്ങൾക്കിടയിലും മന്ത്രി വാസവനും ശബരിമലയിൽ എത്തിയിരുന്നു. ശ്രീകോവിലിന് മുന്നിൽ സ്ഥിരം പുച്ഛഭാവത്തോടെ നിന്ന മന്ത്രി ചുറ്റും നോക്കുന്നുമുണ്ടായിരുന്നു. എന്നാൽ ദേവസ്വം പ്രസിഡന്റ് ജയകുമാർ കൈകൂപ്പി തൊഴുന്നതും ശ്രദ്ധേയമായി .
കഴിഞ്ഞ തവണയും വാസവൻ ഇതേ രീതിയിൽ തന്നെയാണ് അയ്യപ്പ സന്നിധിയിൽ നിന്നത് . ഇതും ഭക്തരുടെ രോഷത്തിന് കാരണമായി . മകരജ്യോതി തൽസമയം സംപ്രേഷണം ചെയ്ത പല ചാനലുകളിലും കമന്റായി നിറഞ്ഞതും ശബരിമലയിലെ സ്വർണ്ണമോഷണമായിരുന്നു.
അയ്യപ്പന്റെ സ്വർണ്ണം കട്ട കള്ളന്മാരെ സംരക്ഷിക്കുന്ന സർക്കാർ മുടിഞ്ഞു പോണേ , അവരുടെ കുലം തന്നെ മുടിഞ്ഞു പോണേ അയ്യപ്പാ , എങ്ങിനെയാടോ ശബരിമലയിൽ നിന്ന് കൊള്ളയടിക്കാൻ മനസ് വരുന്നത് എന്നൊക്കെയാണ് കമന്റുകൾ.
