ന്യൂയോര്ക്ക്: ‘ഇറാന് സ്വാതന്ത്ര്യത്തിലേക്ക് നോക്കുകയാണ്, ഒരുപക്ഷേ മുമ്പൊരിക്കലും ഉണ്ടായിട്ടില്ലാത്ത വിധം. അമേരിക്ക അവരെ സഹായിക്കാന് തയ്യാറാണെ’ന്ന് ഡൊണാള്ഡ് ട്രംപ് . ഇറാനിലെ പ്രതിഷേധക്കാര് ഇസ്ലാമിക് റിപ്പബ്ലിക്കിന്റെ അധികാരികളുടെ ശക്തമായ അടിച്ചമര്ത്തല് നേരിടുന്ന സാഹചര്യത്തിലാണ് അമേരിക്കയുടെ ഈ ‘സഹായവാഗ്ദാനം . എന്നാല് ഇതേക്കുറിച്ച് കൂടുതല് വിശദീകരിക്കാന് ട്രൂത്ത് സോഷ്യലിലെ സോഷ്യല് പോസ്റ്റില് ട്രംപ് തയ്യാറായില്ല.
ഇറാന് ‘വലിയ കുഴപ്പത്തിലാണെന്ന്’ ട്രംപ് കഴിഞ്ഞ ദിവസം പറഞ്ഞിരുന്നു. അതിന്റെ തുടര്ച്ചയായാണ് ഈ പോസ്റ്റ്. അമേരിക്ക ഇറാനെതിരെ സൈനിക ആക്രമണത്തിന് ഉത്തരവിടാന് സാധ്യതയുണ്ടെന്ന മുന്നറിയിപ്പായാണ് നിരീക്ഷകര് ഇതിനെ വ്യാഖ്യാനിക്കുന്നത്.
















