കൊല്ലം: ഇസ്ലാമിന്റെ ഒന്നാമത്തെ ഇര സ്ത്രീകളും രണ്ടാമത്തെത് മതന്യൂനപക്ഷങ്ങളുമാണെന്ന് തസ്ലീമ നസ്രിന്. കേരള യുക്തിവാദി സംഘം സംസ്ഥാന സമ്മേളത്തിന്റെ ഉദ്ഘാടനം നിര്വഹിക്കുകയായിരുന്നു അവര്.
ബംഗ്ലാദേശില് 90-കളില് ആയിരങ്ങള് തെരുവില് മാര്ച്ച് നടത്തിയത് വിദ്യാഭ്യാസനത്തിനോ, ആരോഗ്യത്തിനോ പൗരാവകാശത്തിനോ വേണ്ടിയായിരുന്നില്ല. തന്റെ ചോരയ്ക്കും തലയ്ക്ക് വിലയിടാനുമായിരുന്നു. പത്രസ്ഥാപനങ്ങള് അക്രമിച്ചതും കത്തിച്ചതും മതത്തിന് വേണ്ടിയായിരുന്നു. എന്നിട്ടും ആ രാഷ്ട്രം തന്നെ രക്ഷിച്ചില്ല. മതവികാരം വ്രണപ്പെടുത്തിയതിന് പ്രോസിക്യൂട്ട് ചെയ്തു.
ജനാധിപത്യ രാഷ്ട്രങ്ങളും മനുഷ്യാവകാശ പ്രവര്ത്തകരും ഉള്ളതുകൊണ്ടാണ് ഞാനിന്നും ജീവിച്ചിരിക്കുന്നത്. ഇന്നും ആ രാഷ്ട്രം അരാജകത്വത്തിലാണ്. വീട്ടിലിരിക്കുന്നവരെ നിശബ്ദരാക്കിയും സ്ത്രീകളെ വായടപ്പിച്ചുമാണ് ഇസ്ലാം അതിക്രമം ആവര്ത്തിക്കുന്നത്. സ്ത്രീ സമത്വം അംഗീകരിക്കാത്തവര്ക്ക് മറ്റൊരു മതത്തിന്റെയും സ്വാതന്ത്ര്യം അനുവദിച്ച് കൊടുക്കാനാവില്ലെന്നും അവര് പറഞ്ഞു. കേരള യുക്തിവാദി സംഘം സംസ്ഥാന പ്രസിഡന്റ് ഗംഗന് അഴീക്കോട് അധ്യക്ഷത വഹിച്ചു.
