തിരുവനന്തപുരം: മുക്കുപണ്ടം പണയം വെച്ച് 69 ലക്ഷം രൂപ തട്ടിയെടുത്ത കേസില് രണ്ടുപേര് പിടിയില്. നെടുമങ്ങാട് വാളിക്കോട്ടെ ധനകാര്യ സ്ഥാപനത്തിലാണ് ഇവര് തട്ടിപ്പ് നടത്തിയത്.
ചുള്ളിമാനൂര് സ്വദേശി അജ്മല്,ചല്ലിമുക്ക് സ്വദേശിനി അന്സീന എന്നിവരാണ് പിടിയിലായത്. പല ദിവസങ്ങളിലായി 129 വ്യാജ സ്വര്ണ വളകളാണ് പണയം വച്ചത്.
വളകളുടെ മുകളില് സ്വര്ണം പൂശിയാണ് തട്ടിപ്പ് നടത്തിയത്. പണയം സ്വീകരിച്ച സ്വര്ണം ബാങ്ക് ലോക്കറില് വയ്ക്കുന്നതിനായി എത്തിയപ്പോഴാണ് സ്വര്ണം പൂശിയതെന്ന് മനസിലാക്കുന്നത്. തുടര്ന്ന് നെടുമങ്ങാട് പൊലീസില് പരാതി നല്കി. പിന്നാലെ ഇവരെ അറസ്റ്റ് ചെയ്തു.കേസില് കൂടുതല് പ്രതികളുണ്ടെന്നാണ് പൊലീസ് വെളിപ്പെടുത്തിയത്.
