ന്യൂദല്ഹി: ഹൈക്കോടതികള് പുറപ്പെടുവിക്കുന്ന ഇടക്കാല ഉത്തരവുകളുടെ ബലത്തില് വര്ഷങ്ങളോളം കുരുങ്ങിക്കിടക്കുന്ന ഗുരുതരമായ കുറ്റകൃത്യങ്ങളിലെ ക്രിമിനല് വിചാരണകള് ഉടന് ആരംഭിക്കണമെന്ന് എല്ലാ ഹൈക്കോടതികളോടും സുപ്രീം കോടതി ആവശ്യപ്പെട്ടു. കൊലപാതകം, ബലാത്സംഗം, സ്ത്രീധന മരണം തുടങ്ങിയ ഹീനമായ കുറ്റകൃത്യങ്ങളുടെ വിചാരണ ഹൈക്കോടതികള് പുറപ്പെടുവിച്ച ഇടക്കാല ഉത്തരവുകള് കാരണം നിര്ത്തിവച്ചിരിക്കുന്ന സാഹചര്യമുണ്ടെന്ന് സുപ്രീം കോടതി നിരീക്ഷിച്ചു. ഇത്തരത്തില് വിചാരണകള് വര്ഷങ്ങളോളം കെട്ടിക്കിടക്കുകയാണെങ്കില്, അത് നീതിയെ പരിഹസിക്കലാണെന്ന് കോടതി ചൂണ്ടിക്കാട്ടി. എല്ലാ കക്ഷികളോടും നീതി പുലര്ത്തണം. കുറ്റാരോപിതരോട് മാത്രമായി നീതി പുലര്ത്താന് കഴിയില്ല. ഇരയോടും ഇരയുടെ കുടുംബാംഗങ്ങളോടും പോലും നീതി പുലര്ത്തണം. ‘ ജസ്റ്റിസുമാരായ ജെ ബി പര്ദിവാല, കെ വി വിശ്വനാഥന് എന്നിവരടങ്ങിയ ബെഞ്ച് നിരീക്ഷിച്ചു .
വിവാഹം കഴിഞ്ഞ് ഒരു വര്ഷത്തിനുള്ളില് ഒരു സ്ത്രീ മരിച്ചതിനെ തുടര്ന്ന് സ്ത്രീധന പീഡനവും കൊലപാതകവും ആരോപിച്ച് 2002 ല് ആരംഭിച്ച കേസ് അതേ വര്ഷം തന്നെ കുറ്റപത്രം സമര്പ്പിച്ചെങ്കിലും ഹൈക്കോടതി 2003 ല് വിചാരണ സ്റ്റേ ചെയ്തു. തുടര്ന്ന് 2023 ല് മാത്രമാണ് വാദം കേള്ക്കാന് തുടങ്ങിയത്, 2025 ല് കേസ് തള്ളുകയും ചെയ്തു. ഇതേത്തുടര്ന്നാണ് കേസ് സുപ്രീം കോടതിയിലെത്തിയത്.
ഇടക്കാല ഉത്തരവുകളില് കുരുങ്ങിക്കിടക്കുന്ന ക്രിമിനല് വിചാരണകള് ഉടന് ആരംഭിക്കണമെന്ന് ഹൈക്കോടതികളോട് സുപ്രീം കോടതി
'എല്ലാ കക്ഷികളോടും നീതി പുലര്ത്തണം. കുറ്റാരോപിതരോട് മാത്രമായി നീതി പുലര്ത്താന് കഴിയില്ല'
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.