പാലക്കാട്: മുതിര്ന്ന നേതാവ് എ.കെ. ബാലനെതിരെ സിപിഎം പാലക്കാട് ജില്ല കമ്മിറ്റി യോഗത്തില് രൂക്ഷ വിമര്ശനം.അബദ്ധ പ്രസ്താവനകള് നടത്തി എ.കെ.ബാലന് തെരഞ്ഞെടുപ്പ് കാലത്ത് പാര്ട്ടിയെ പ്രതിസന്ധിയിലാക്കുകയാണെന്ന് ജില്ല കമ്മിറ്റി യോഗത്തില് വിമര്ശനം ഉയര്ന്നു.
എ.കെ.ബാലന് വായ തുറന്നാല് പാര്ട്ടിക്ക് വോട്ട് നഷ്ടമാകും. ചുമതലയില്ലാത്ത ബാലന് എന്തിനാണ് മാധ്യമങ്ങളെ കാണുന്നതെന്നും യോഗത്തില് ജില്ല കമ്മിറ്റി അംഗങ്ങള് ചോദിച്ചു. പാര്ട്ടിയുടെ വിശ്വാസ്യത തകര്ക്കുന്ന പ്രസ്താവനകളാണ് ബാലന്റേത് എന്ന് യോഗം വിലയിരുത്തി.
തികച്ചും അടിസ്ഥാനരഹിതമാണ് മാറാട് കലാപത്തെ കുറിച്ചുള്ള പ്രസ്താവനകള്. മുന് കേന്ദ്ര കമ്മിറ്റി അംഗം എന്നു പറഞ്ഞാണ് മാധ്യങ്ങളെ കാണുന്നത്. അങ്ങനൊരു പദവി പാര്ട്ടിയില് ഉണ്ടോയെന്നും ജില്ല കമ്മിറ്റിയില് അംഗങ്ങള് ചോദിച്ചു.
കെടിഡിസി ചെയര്മാന് പി.കെ. ശശിയെ തെരഞ്ഞെടുപ്പിന് മുന്പ് പാര്ട്ടിയില് നിന്ന് പുറത്താക്കണമെന്നും ജില്ല കമ്മിറ്റി യോഗത്തില് ആവശ്യമുയര്ന്നു. ശശി വര്ഗ വഞ്ചകനാണെന്നാണ് ആരോപണം.
