തിരുവനന്തപുരം : വിമാനത്താവളത്തിൽ ഉപരാഷ്ട്രപതിയെ സ്വീകരിച്ച് ആർ എസ് എസുകാരൻ മേയർ . വൈകിട്ട് 7 മണിയോടെയാണ് ഉപരാഷ്ട്രപതി സി.പി.രാധാകൃഷ്ണൻ വിമാനത്താവളത്തിലെത്തിയത്. സ്വീകരിക്കാൻ ഔദ്യോഗിക വേഷത്തിൽ തന്നെ മേയർ വി വി രാജേഷ് എത്തിയിരുന്നു.
‘ തിരുവനന്തപുരം corporation മേയറായി ചാർജ്ജ് ഏറ്റെടുത്തശേഷം മൂന്നാം ദിനത്തിൽത്തന്നെ ആദരണീയനായ ഉപരാഷ്ട്രപതിയെ വിമാനത്താവളത്തിൽ സ്വീകരിയ്ക്കുവാൻ കഴിഞ്ഞതിൽ സന്തോഷവും അതിനൊപ്പം ബിജെപി പ്രവർത്തകൻ എന്നതിൽ അഭിമാനവും.‘ എന്ന് വിവി രാജേഷ് ഫേസ്ബുക്ക് പോസ്റ്റിൽ പറഞ്ഞു.
ഉപരാഷ്ട്രപതി പാളയം എൽഎംഎസ് കോംപൗണ്ടിൽ നടക്കുന്ന ട്രിവാൻഡ്രം ഫെസ്റ്റിൽ മുഖ്യാതിഥിയായി പങ്കെടുക്കും. തുടർന്ന് ലോക്ഭവനിൽ താമസിക്കും. 30ന് രാവിലെ 10ന് വർക്കല ശിവഗിരിയിൽ 93–ാമത് ശിവഗിരി തീർഥാടന സമ്മേളനം ഉദ്ഘാടനം ചെയ്യും. തിരികെ ഹെലികോപ്റ്ററിൽ തിരുവനന്തപുരത്ത് എത്തി 12.05ന് മാർ ഇവാനിയോസ് കോളജിന്റെ പ്ലാറ്റിനം ജൂബിലി ആഘോഷങ്ങളുടെ സമാപന സമ്മേളനം ഉദ്ഘാടനം ചെയ്യും. ഉച്ചയ്ക്ക് 1.25ന് തിരുവനന്തപുരം വിമാനത്താവളത്തിൽ നിന്നു തിരികെ പോകും.
