വയനാട് :പുല്പ്പള്ളി ദേവര്ഗദ്ധയില് വീണ്ടും കടുവയെത്തിതായി നാട്ടുകാര്.കന്നാരംപുഴയില് ആണ് വീണ്ടും കടുവയെ കണ്ടത്.കടുവാ ആക്രമണത്തില് ഒരാള് കൊല്ലപ്പെട്ട വണ്ടിക്കടവില് നിന്ന് ഒന്നര കിലോമീറ്റര് അകലെയാണ് കടുവയെ കണ്ടത്.
വ്യാഴാഴ്ച രാവിലെ കന്നുകാലികളെ കുളിപ്പിക്കാന് കന്നാരം പുഴയിലേക്ക് പോയ പ്രദേശവാസിയാണ് കടുവയെ കണ്ടത്.തുടര്ന്ന് വനംവകുപ്പ് ഉദ്യോഗസ്ഥരെ വിവരമറിയിച്ചു.പരിശോധനയില് കടുവയുടെ കാല്പ്പാടുകള് കണ്ടെത്തി. ഒന്നിലേറെ കടുവകള് ഉണ്ട് എന്നാണ് വിവരം. ഇതോടെ നാട്ടുകാര് ഭീതിയിലാണ് .
ദേവര്ഗദ്ധ ഉന്നതിയില് മാരന് കടുവ ആക്രമണത്തില് കൊല്ലപ്പെട്ട വണ്ടിക്കടവ് പ്രദേശത്തുനിന്ന് ഒന്നര കിലോമീറ്റര് മാത്രം അകലെയാണ് വീണ്ടും കടുവയെ കണ്ടത്. നാലു കൂടുകള് വനം വകുപ്പ് പലയിടങ്ങളിലായി സ്ഥാപിച്ചിട്ടുണ്ട്.ക്യാമറ ട്രാപ്പുകളും നിരീക്ഷണവും നടക്കുന്നു. പ്രശ്നങ്ങള് ഉണ്ടാക്കുന്ന കടുവകളെ കര്ണാടക വനംവകുപ്പ് വയനാട് അതിര്ത്തിയില് ഉപേക്ഷിക്കുന്നതായുള്ള ആരോപണവും ഉണ്ട്.
