കാസ്ബ്ലാങ്കാ(മൊറോക്കോ): സിംബാബ് വെയില്നിന്ന് തട്ട് കിട്ടാതെ ഈജിപ്ത് രക്ഷപ്പെട്ടു. ആഫ്രിക്കന് കപ്പ് ഓഫ് നേഷന്സില് തങ്ങളുടെ ആദ്യമത്സരത്തില് ഈജിപ്ത് കഷ്ടിച്ച് രക്ഷപ്പെടുകയായിരുന്നു. ഇഞ്ച്വറി സമയത്ത് സൂപ്പര് താരം മുഹമ്മദ് സലാ നേടിയ ഗോളിലായിരുന്നു ഈജിപ്തിന്റെ വിജയം. ഒന്നിനെതിരെ രണ്ട് ഗോളുകള്ക്കായിരുന്നു ഈജിപ്തിന്റെ വിജയം. മത്സരം സമനിലയിലേക്കെന്ന ഘട്ടത്തിലാണ് സലാ വിജയഗോളുമായെത്തിയത്.
മത്സരത്തില് ഒരു ഗോളിന് പിന്നില് നിന്ന ശേഷം ശക്തമായി തിരിച്ചുവന്നാണ് ഈജിപ്ത് വിജയം സ്വന്തമാക്കിയത്. അദ്രാര് സ്റ്റേഡിയത്തില് നടന്ന മത്സരത്തിന്റെ 20-ാം മിനിറ്റില് പ്രിന്സ് ഡ്യൂബെയിലൂടെ സിംബാബ്വെയാണ് ആദ്യം മുന്നിലെത്തിയത്. എന്നാല്, ഈജിപ്തിന്റഎ നിശ്ചയദാര്ഢ്യം സമനില സ്വന്തമാക്കുന്നതിലേക്കു നയിച്ചു. രണ്ടാം പകുതിയില് ആക്രമണം ശക്തമാക്കിയ ഈജിപ്ത് 63-ാം മിനിറ്റില് ഒമര് മര്മൂഷിന്റെ മനോഹരമായ ഗോളിലൂടെ സമനില പിടിച്ചു. പിന്നീട് അത്യന്തം ആവേശകരമായ പോരാട്ടത്തിനാണ് മൈതാനം സാക്ഷ്യംവഹിച്ചത്. ഇരുടീമുകളും ഗോളിനായി പൊരുതി. ഒടുവില് രണ്ടാം പകുതിയിലെ പരിക്ക് സമയത്ത് സലാ തന്റെ വിശ്വരൂപം പുറത്തെടുത്തു.
മുസ്തഫ മുഹമ്മദിന്റെ അസിസ്റ്റില്നിന്ന് ഉജ്വലമായൊരു ഫിനിഷിങ്. ഈജിപ്തിന് അങ്ങനെ ആദ്യമത്സരത്തില്ത്തന്നെ ആവേശോജ്വല ജയം. മറ്റൊരു മത്സരത്തില് ദക്ഷിണാഫ്രിക്ക 2-1ന് അംഗോളയെ പരാജയപ്പെടുത്തിയപ്പോള് മാലി- സാംബിയ മത്സരം 1-1 സമനിലയില് കലാശിച്ചു. ഇന്ന് പ്രമുഖ ടീമുകളായ ഐവറി കോസ്റ്റ്, കൊളംബിയ എന്നിവ കളിക്കാനിറങ്ങും.
