ന്യൂദല്ഹി: നാഷണല് ഡിഫന്സ് അക്കാദമി ആന്ഡ് നേവല് അക്കാദമി പരീക്ഷ , കമ്പൈന്ഡ് ഡിഫന്സ് സര്വീസസ് പരീക്ഷ എന്നിവയ്ക്ക് ഡിസംബര് 30 വരെ അപേക്ഷിക്കാം. എങ്കിലും അവസാന നിമിഷത്തെ സാങ്കേതിക തകരാറുകള് ഒഴിവാക്കാന് താല്പ്പര്യമുള്ള ഉദ്യോഗാര്ത്ഥികള് അപേക്ഷകള് മുന്കൂട്ടി സമര്പ്പിക്കാന് അധികൃതര് നിര്ദ്ദേശിക്കുന്നു.
ഉദ്യോഗാര്ത്ഥികള്ക്ക് യൂപിഎസ്സി ഔദ്യോഗിക വെബ്സൈറ്റായ upsc.gov.in ല് നിന്ന് അറിയിപ്പും വിശദാംശങ്ങളും ഡൗണ്ലോഡ് ചെയ്യാം.
നാഷണല് ഡിഫന്സ് അക്കാദമിയില് 370, നാവിക അക്കാദമിയില് 24, കമ്പൈന്ഡ് ഡിഫന്സ് സര്വീസസില് 451 എന്നിങ്ങനെയാണ് ഒഴിവുകള്.
