മലപ്പുറം: ക്ഷേത്രത്തിലെ പാട്ടിനെതിരെ മുദ്രാവാക്യം വിളിക്കുന്നവര് പള്ളിയിലെ ബാങ്കുവിളിയും വേണ്ടെന്ന് വെയ്ക്കേണ്ടിവരുമെന്ന് ഹിന്ദു ഐക്യവേദി നേതാവ് കെ.പി. ശശികലടീച്ചര്.
മലപ്പുറത്തെ എടവണ്ണ കൊളാപ്പാട്ട് മഹാവിഷ്ണുക്ഷേത്രത്തില് ഭക്തിഗാനം വെയ്ക്കുന്നതിനെതിരെ ഉയരുന്ന മുസ്ലിംലീഗ് പ്രതിഷേധത്തോട് പ്രതികരിക്കുകയായിരുന്നു ശശികലടീച്ചര്. ഈ ക്ഷേത്രത്തിന് തൊട്ടടുത്ത താമസിക്കുന്ന ഒരു കുടുംബത്തിനാണ് പ്രശ്നമെന്നും എന്നാല് ഇവര്ക്ക് ബാങ്കുവിളി ഒരു പ്രശ്നമല്ലെന്നും ശശികലടീച്ചര് പറഞ്ഞു.
ലോകം കിടുക്കുന്ന തരത്തില് പാട്ടുവെയ്ക്കുന്നതിനോട് തനിക്ക് യോജിപ്പില്ല. പക്ഷെ ഒരു ഭാഗത്തെ മാത്രം കുറ്റപ്പെടുത്തുന്ന രീതിയില് സെലക്ടീവായ പ്രതികരമങ്ങള് കാണുമ്പോള് ഒരു പത്ത് കോളാമ്പിയെങ്കിലും വെച്ച് പാട്ടിടാന് തോന്നുമെന്നും ശശികലടീച്ചര് ഫെയ്സ്ബൂക്കില് പങ്കുവെച്ച കുറിപ്പില് പറയുന്നു.
