കൊച്ചി : ‘ പോറ്റിയെ കേറ്റിയേ ‘ എന്ന പാട്ട് വിവാദമായതിന് പിന്നാലെ പാട്ട് എഴുതിയവർക്കെതിരെ സിപിഎം രംഗത്തെത്തിയിരുന്നു. പാട്ട് മതവികാരം വ്രണപ്പെടുത്തുന്നതാണെന്നും, ശരണം വിളികളെ വികലമാക്കരുതെന്നുമൊക്കെയാണ് മന്ത്രി ശിവൻ കുട്ടി അടക്കമുള്ള സിപിഎം നേതാക്കൾ പറയുന്നത് . ശബരിമലയിൽ യുവതീ പ്രവേശനം നടത്തണമെന്ന് പറഞ്ഞ് മുറവിളി കൂട്ടിയ സഖാക്കൾ തന്നെ ഇപ്പോൾ അയ്യപ്പന്റെ പേരിൽ കേസ് കൊടുക്കുന്ന വിചിത്ര സാഹചര്യങ്ങളാണ് ഉള്ളത് . തെരഞ്ഞെടുപ്പിൽ തോറ്റത് അയ്യപ്പശാപം മൂലമാണെന്ന് വിശ്വാസികൾ പറയുന്നതിനിടെയാണ് സഖാക്കളുടെ മനം മാറ്റം .
ഇപ്പോഴിതാ സഖാക്കളെ പരിഹസിച്ച് രംഗത്തെത്തിയിരിക്കുകയാണ് ബിജെപി നേതാവ് യുവരാജ് ഗോകുൽ . പണ്ട് അയ്യപ്പനെ അവഹേളിച്ച സഖാക്കൾ തന്നെ മതവികാരം വൃണപ്പെട്ടു എന്ന പേരില് കേസ് കൊടുക്കുന്നു , അയ്യപ്പനോടാണ് അവന്റെയൊക്കെ പുലികളി എന്നാണ് തന്റെ ഫേസ്ബുക്ക് പോസ്റ്റിൽ യുവരാജ് ഗോകുൽ പറയുന്നത് .
‘ ICU എന്ന ട്രോള് ഗ്രൂപ്പില് പണ്ട് അയ്യപ്പ സ്വാമിയെ വളരെ മോശമായി ചിത്രീകരിച്ച് കൊണ്ട് ശരണം വിളിയുടെ ഒരു പാരഡി നാല് വരി ആരോ പോസ്റ്റ് ചെയ്തു….
നേരിട്ട് ഭഗവാനെ അവഹേളിച്ച് കൊണ്ട് തന്നെ….
അന്ന് അതിനെതിരെ സംസാരിച്ച എല്ലാവരും നേരിട്ടത് കടുത്ത അവഹേളനമായിരുന്നു….
അവഹേളനം എന്ന് പറഞ്ഞാല്…. ‘വൃകാരം വൃണപ്പെട്ടിട്ട് എങ്ങനുണ്ട്” ”വൃണം പഴുത്ത് ചീഞ്ഞോ” ‘കുരു ഏത് വരെ പൊട്ടി”
അങ്ങനെ കടുത്ത അവഹേളനം….
ആ സംഭവത്തെ തുടര്ന്നാണ് ഔട്സ്പോക്കണ് എന്ന ഗ്രൂപ്പ് പോലും തുടങ്ങുന്നത്….
പത്തു വര്ഷങ്ങള്ക്കിപ്പുറം അയ്യപ്പനെ കുറിച്ച് പാരഡി ഉണ്ടാക്കി എന്ന് പറഞ്ഞ് സഖാക്കള് തന്നെ മതവികാരം വൃണപ്പെട്ടു എന്ന പേരില് കേസ് കൊടുക്കുന്നു….
അയ്യപ്പനോടാണ് അവന്റെയൊക്കെ പുലികളി….
സ്വാമിയേേേേയ് ശരണമയ്യപ്പോോോ….- എന്നാണ് യുവരാജ് ഗോകുൽ ഫേസ്ബുക്ക് പോസ്റ്റിൽ കുറിച്ചിരിക്കുന്നത് .
