കൊച്ചി : നടി ആക്രമിക്കപ്പെട്ട കേസിൽ ദിലീപിനെ കുറ്റവിമുക്തനാക്കിയ കോടതി വിധിയ്ക്കെതിരെ നടി മഞ്ജു വാര്യർ . കുറ്റം ചെയ്തവർ മാത്രമേ ശിക്ഷിക്കപ്പെട്ടുള്ളൂ . ആസൂത്രണം ചെയ്തവർ പുറത്താണ് . അവരും ശിക്ഷിക്കപ്പെടണമെന്നാണ് മഞ്ജു വാര്യരുടെ ഫേസ്ബുക്ക് പോസ്റ്റ്.ദിലീപിനെ പേര് പരാമർശിക്കാതെയാണ് പോസ്റ്റ്.
പോസ്റ്റിന്റെ പൂർണ്ണരൂപം….
‘ ബഹുമാനപ്പെട്ട കോടതിയോട് ആദരവുണ്ട് . പക്ഷെ ഇക്കാര്യത്തിൽ നീതി പൂർണ്ണാമായും നടപ്പായി എന്ന് പറയാൻ ആവില്ല .കാരണം കുറ്റം ചെയ്തവരെ മാത്രമേ ഇപ്പോൾ ശിക്ഷിക്കപ്പെട്ടിട്ടുള്ളൂ. ഇത് ആസൂത്രണം ചെയ്തവർ അത് ആരായാലും അവർ പുറത്ത് പകൽ വെളിച്ചത്തിലുണ്ട് എന്നത് ഭയപ്പെടുത്തുന്ന യാഥാർത്ഥ്യമാണ്.
അവർ കൂടി ശിക്ഷിക്കപ്പെട്ടാലേ അതിജീവിതയ്ക്കുള്ള നീതി പൂർണ്ണമാകൂ . പൊലീസിലും, നിയമസംവിധാനത്തിലും, ഞാനുൾപ്പെടെയുള്ള സമൂഹത്തിനുള്ള വിശ്വാസം ദൃഢമാകാൻ അത് കൂടിയേ തീരൂ.
ഇത് അവൾക്ക് വേണ്ടി മാത്രമല്ല . ഈ നാട്ടിലെ ഓരോ സ്ത്രീയ്ക്കും, ഓരോ പെൺകുട്ടിക്കും , ഓരോ മനുഷ്യർക്കും കൂടി വേണ്ടിയാണ്.അവർക്ക് തൊഴിലിടങ്ങളിലും, തെരുവിലും, ജീവിതത്തിലും സധൈര്യം തലയുയർത്തിപ്പിടിച്ച് ഭയപ്പാടില്ലാതെ നടക്കാൻ കഴിയുന്ന സാഹചര്യമുണ്ടാകണം . ഉണ്ടായേ തീരൂ.
അന്നും , ഇന്നും , എന്നും അവൾക്കൊപ്പം
