ഭോപ്പാൽ ; പ്രണയം മൂത്ത് മതം മാറിയ യുവാവ് ഒടുവിൽ തിരികെ ഹിന്ദുമതത്തിലേയ്ക്ക് . രണ്ട് വർഷം മുമ്പ് ഇസ്ലാം മതം സ്വീകരിച്ച ശുഭം ഗോസ്വാമിയാണ് ഇന്ന് ഗുഫാമന്ദിറിൽ നടന്ന ചടങ്ങിൽ ഹിന്ദുമതത്തിലേക്ക് മടങ്ങിയത് . കായിക മന്ത്രി വിശ്വാസ് സാരംഗിന്റെ മുൻകൈയിലാണ് ചടങ്ങ് സംഘടിപ്പിച്ചത്.
മുസ്ലീം പെൺകുട്ടിയുമായി പ്രണയത്തിലായിരുന്നു ശുഭം ഗോസ്വാമി . പ്രണയം മുന്നോട്ട് പോകുന്നതിനിടെ യുവതിയുടെ കുടുംബത്തിൽ നിന്ന് മതം മാറാൻ സമ്മർദ്ദം ഉണ്ടായി . മതം മാറിയ ശേഷം, അദ്ദേഹത്തിന് അമൻ ഖാൻ എന്ന പേര് നൽകി.അതിനു ശേഷം 180 ദിവസത്തേക്ക് ഖുറാൻ പഠനത്തിനായി ജമാഅത്തിലേക്ക് അയച്ചു .
എന്നാൽ പഠനത്തിനിടെ തന്നെ ഇസ്ലാമിൽ നിന്ന് മാറണമെന്ന് തോന്നിത്തുടങ്ങി . ഇത് പുറത്ത് പറഞ്ഞതോടെ ശുഭം ഗോസ്വാമിക്കെതിരെ വ്യാജപരാതികൾ നൽകി . അങ്ങനെ അഞ്ച് മാസം ജയിലിൽ കഴിഞ്ഞു. ജയിലിൽ നിന്ന് ഇറങ്ങി ശുഭം ആദ്യം ചെയ്തത് ഹിന്ദുമതത്തിലേക്ക് മടങ്ങുന്നതിന് സംരക്ഷണവും സഹായവും തേടി സാരംഗിനെ സമീപിക്കുകയായിരുന്നു . മന്ത്രി സഹായം ഉറപ്പ് നൽകി. തുടർന്നാണ് ഇന്ന് ഹിന്ദുമതത്തിലേയ്ക്ക് പരിവർത്തനം ചെയ്യാനുള്ള ചടങ്ങ് സംഘടിപ്പിച്ചത്.
