ബെംഗളൂരു: ശബരിമല, പൊങ്കല് സീസണ് പ്രമാണിച്ച് ഹുബ്ബള്ളി- കൊല്ലം, എസ്എംവിടി ബെംഗളൂരു-തിരുവനന്തപുരം നോര്ത്ത് സ്പെഷ്യല് ട്രെയിനുകളുടെ സര്വീസ് ദക്ഷിണ പശ്ചിമ റെയില്വേ ജനുവരി അവസാനം വരെ നീട്ടി.
ബെംഗളൂരു വഴിയുള്ള ഹുബ്ബള്ളി-കൊല്ലം സ്പെഷ്യല് ജനുവരി 25 വരെയും കൊല്ലം-എസ്എംവിടി ബെംഗളൂരു സ്പെഷ്യല് ജനുവരി 26 വരെയും സര്വീസ് നടത്തും. ഹുബ്ബള്ളിയില് നിന്നു ഞായറാഴ്ചകളിലും കൊല്ലത്ത് നിന്നു തിങ്കളാഴ്ചകളിലുമാണ് സര്വീസ്.
എസ്എംവിടി ബെംഗളൂരു-തിരുവനന്തപുരം നോര്ത്ത് ജനുവരി 26 വരെയും തിരുവനന്തപുരം നോര്ത്ത്-എസ്എംവിടി ബെംഗളൂരു 27 വരെയും സര്വീസ് നടത്തും. ബെംഗളൂരുവില് നിന്ന് തിങ്കളാഴ്ചകളിലും തിരുവനന്തപുരത്ത് നിന്നു ചൊവ്വാഴ്ചകളിലുമാണ് സര്വീസ്.
എസ്എംവിടി ബെംഗളൂരു-തിരുവനന്തപുരം നോര്ത്ത് ജനുവരി 29 വരെയും തിരുവനന്തപുരം നോര്ത്ത് -എസ്എംവിടി ബെംഗളൂരു 30 വരെയും സര്വീസ് നടത്തും. ബെംഗളൂരുവില് നിന്നു ബുധനാഴ്ചകളിലും തിരുവനന്തപുരത്ത് നിന്ന് വ്യാഴാഴ്ചകളിലുമാണു സര്വീസ്.
എസ്എംവിടി ബെംഗളൂരു-തിരുവനന്തപുരം നോര്ത്ത് ജനുവരി 30 വരെയും തിരുവനന്തപുരം നോര്ത്ത്-എസ്എംവിടി ബെംഗളൂരു ഫെബ്രുവരി ഒന്നു വരെയും സര്വീസ് നടത്തും. ബെംഗളൂരുവില് നിന്നു വെള്ളിയാഴ്ചകളിലും തിരുവനന്തപുരത്ത് നിന്നു ഞായറാഴ്ചകളിലുമാണ് സര്വീസ്.
