കോഴിക്കോട്: രാഹുല് മാങ്കൂട്ടത്തിലിനെതിരായ ലൈംഗിക പരാതികള് പൂഴ്ത്തിയെന്ന് ഷാഫി പറമ്പിലിനെതിരെ ആരോപണം ഉന്നയിച്ച മഹിള കോണ്ഗ്രസ് നേതാവ് എംഎ ഷഹനാസിനെ കെപിസിസി സാംസ്കാരിക സാഹിതി വാട്സാപ് ഗ്രൂപ്പില് നിന്ന് നീക്കി. രാഹുലിനെതിരെ പരാതി പറയാത്ത മുഴുവന് സ്ത്രീകളുടെ മാനനഷ്ടത്തിനും ഷാഫി ഉത്തരം പറയണമെന്ന് ഷഹനാസ് ആവശ്യപ്പെട്ടിരുന്നു.
രാഹുല് മാങ്കൂട്ടത്തില് മോശമായി പെരുമാറിയെന്ന പരാതി ഷാഫി പറമ്പില് പരിഗണിച്ചില്ലെന്നായിരുന്നു അവരുടെ ആക്ഷേപം.
താന് പറഞ്ഞത് കള്ളമാണെന്ന് ഷാഫി പറഞ്ഞാല് തെളിവ് പുറത്ത് വിടുമെന്നും അവര് വ്യക്തമാക്കിയിരുന്നു.
മഹിള കോണ്ഗ്രസിലെ അമ്മയുടെ പ്രായമുള്ള മുതിര്ന്ന സ്ത്രീകള്ക്കും രാഹുലില് നിന്നും ദുരനുഭവം ഉണ്ടായെന്നും ഷാഫിക്ക് ഇതൊക്കെ അറിയാമായിരുന്നെന്നും ഷഹനാസ് വെളിപ്പെടുത്തിയിരുന്നു. പാര്ട്ടിയില് നിന്ന് പുറത്താക്കിയാലും സ്ത്രീപക്ഷത്ത് നിന്ന് സംസാരിക്കുമെന്ന് അവര് വ്യക്തമാക്കി.
