ന്യൂദല്ഹി: കേരളത്തിലെ തീവ്ര വോട്ടര് പട്ടിക പരിഷ്കരണ നടപടി തുടരാമെന്ന് സുപ്രീംകോടതി. ഋനീട്ടുന്നതിന് തെരഞ്ഞെടുപ്പ് കമ്മീഷന് അപേക്ഷ നല്കാന് സംസ്ഥാന സര്ക്കാരിനോട് കോടതി നിര്ദേശിച്ചു.ബുധനാഴ്ച വൈകിട്ട് അഞ്ച് മണിക്കകം കത്ത് നല്കണം.
തദ്ദേശ തിരഞ്ഞെടുപ്പ് സാഹചര്യം കണക്കിലെടുത്ത് തിരഞ്ഞെടുപ്പ് കമ്മീഷന് ഇത് പരിഗണിച്ച് രണ്ട് ദിവസത്തിനുളളില് ഉചിതമായ തീരുമാനമെടുക്കണം. 88% എസ്ഐആര് ഫോമുകളുടെ ഡിജിറ്റലൈസേഷന് പൂര്ത്തിയായി എന്നും ചില രാഷ്ട്രീയ പാര്ട്ടികളാണ് തടസം സൃഷ്ട്ടിക്കുന്നതെന്നും തിരഞ്ഞെടുപ്പ് കമ്മീഷന് കോടതിയില് ചൂണ്ടിക്കാട്ടി.
തദ്ദേശ തെരഞ്ഞെടുപ്പിനായി പ്രത്യേകം ഉദ്യോഗസ്ഥരെ നിയോഗിച്ചിട്ടുണ്ട് എന്ന് മുഖ്യ തിരഞ്ഞെടുപ്പ് ഓഫീസര് കോടതിയെ അറിയിച്ചു.25000 ഉദ്യോഗസ്ഥരെ തങ്ങള് ഇതിനായി ചുമതലപ്പെടുത്തിയിട്ടുണ്ടെന്നും തദ്ദേശ തിരഞ്ഞെടുപ്പ് തടസമില്ലാതെ മുന്നോട്ട് പോകുമെന്നും സംസ്ഥാന തിരഞ്ഞെടുപ്പ് കമ്മീഷന് സുപ്രീംകോടതിയെ അറിയിച്ചു.
