ഇടുക്കി: വണ്ണപ്പുറത്ത് സിപിഎം സ്ഥാനാര്ത്ഥി കുട്ടികളുടെ മുന്നില് വച്ച് അങ്കണവാടി ജീവനക്കാരിയെ അസഭ്യം പറഞ്ഞതായി പരാതി. സിപിഎം മുള്ളങ്കുത്തി ബ്രാഞ്ച് സെക്രട്ടറിയും പതിമൂന്നാം വാര്ഡിലെ സ്ഥാനാര്ത്ഥിയുമായ ലിജോ ജോസഫിനെതിരെയാണ് അങ്കണവാടി ജീവനക്കാരിയായ നബീസയുടെ പരാതി.
നബീസ മുള്ളങ്കുത്തിയിലുള്ള വീടും സ്ഥലം വില്ക്കാനുള്ള നീക്കത്തിലായതിനാല് മറ്റൊരിടത്താണ് താമസം. എന്നാല് ആധാരം നടത്തിയിട്ടില്ല. ഇതിനിടെ അവരുടെ വോട്ട് മുള്ളങ്കുത്തിയില്നിന്ന് നീക്കണമെന്നാവശ്യപ്പെട്ട് ലിജോ പരാതി നല്കിയെന്നാണ് ആക്ഷേപം. ഇതേക്കുറിച്ചു ചോദിച്ചപ്പോഴാണ് സ്ഥാനാര്ത്ഥി പ്രകോപിതനായത്. കുട്ടികളുടെ മുന്പില്വച്ച് ലിജോ പ്രശ്നമുണ്ടാക്കിയതോടെ കുട്ടികള് ഭയന്നു. സ്ഥാനാര്ത്ഥി അസഭ്യം പറയുകയും വര്ഗീയവാദി എന്ന് വിളിച്ച് ഭീഷണിപ്പെടുത്തുകയും ചെയ്തതായാണ് നബീസയുടെ പരാതി. സംഭവത്തിന്റെ വീഡിയോ സാമൂഹികമാധ്യമങ്ങളില് പ്രചരിക്കുന്നുണ്ട്.
