കൊല്ലം : കൊട്ടാരക്കര പിഡി മണികണ്ഠേശ്വരം മഹാഗണപതി ക്ഷേത്രത്തിലെ ഈ വർഷത്തെ ഉപദേശക സമിതി തെരഞ്ഞെടുപ്പിൽ ഭക്തർക്കൊപ്പം നിന്ന അംഗങ്ങൾക്ക് വിജയം .
കരിപ്രസാദം അടക്കം നിർമ്മിക്കാൻ ബംഗാളികളെ നിയമിച്ച വിവാദങ്ങൾ ഉയർന്നതിന് പിന്നാലെയാണ് ക്ഷേത്രത്തിൽ തെരഞ്ഞെടുപ്പ് നടന്നത് . പടിഞ്ഞാറ്റിങ്കര തടത്തിൽ പുത്തൻവീട്ടിൽ ശിവപ്രസാദാണ് സമിതി പ്രസിഡന്റ് .വല്ലം സ്വദേശി വിനോദ് വൈസ് പ്രസിഡന്റും , നിലേശ്വരം സുരേഷ് കുമാർ സെക്രട്ടറിയുമായി തെരഞ്ഞെടുക്കപ്പെട്ടു.
വിവാദങ്ങൾ ഉയർന്ന സമയത്ത് ഭക്തർക്കൊപ്പം നിന്നവരാണിവർ . അതുകൊണ്ട് തന്നെ തങ്ങൾ തെരഞ്ഞെടുക്കപ്പെട്ടത് മഹാഗണപതിയുടെ അനുഗ്രഹമാണെന്നും, ക്ഷേത്ര ചൈതന്യത്തിന് കോട്ടം വരുത്തുന്ന പ്രവർത്തനങ്ങൾ ഉണ്ടാകില്ലെന്നുമാണ് പുതിയ സമിതി അംഗങ്ങൾ പറയുന്നത് . ദേവസ്വം ബോർഡുമായി ചേർന്ന് നല്ല രീതിയിൽ പ്രവർത്തിക്കണമെന്നും, ഭക്തർക്കായി സൗകര്യങ്ങൾ ഏർപ്പെടുത്തണമെന്നും ഇവർ പറയുന്നു.
