ശതമൂല- അഭീരു എന്നീ പേരുകളിലും ശതാവരി അറിയപ്പെടുന്നു.
ലില്ലിയേസീ കുടുംബത്തില്പ്പെട്ട ഈ ഓഷധിയുടെ ശാസ്ത്രനാമം എന്നാണ്.അസ്പരാഗസ് റസിമോസസ്
കേരളത്തിലെ മിക്ക വനമേഖലയിലും സുലഭമായി കാണപ്പെടുന്ന പടര്ന്നുവളരുന്ന സസ്യം. ഇലകള് ചെറുമുള്ളുകളായി രൂപാന്തരപ്പെട്ടിരിക്കുന്നു.
ഇലയും കിഴങ്ങും ഔഷധയോഗ്യങ്ങള്.
രസാദിഗുണങ്ങള്.
രസം – കയ്പ്, മധുരം,
ഗുണം – ഗുരു, സ്നിഗ്ധം,
വീര്യം – ശീതം.
വിപാകം – മധുരം.
കര്മ്മം – വാതപിത്തശമനം, സ്തന്യവര്ദ്ധകം.
യോനീരോഗങ്ങള്,.രക്തദോഷം, ക്ഷതം, ക്ഷയം, ചുമ, അസ്ഥിസ്രാവം, ശ്വാസം, കാമില, വാതരക്തം, അപസ്മാരം, ഭ്രാന്ത്, പ്രമേഹം എന്നീ രോഗങ്ങളില് ഫലപ്രദം. മൂലപ്പാല് വര്ദ്ധിപ്പിക്കും. ലൈംഗികശക്തി വര്ദ്ധിപ്പിക്കും, കിഴങ്ങിന് ജ്വരഹാരകഗുണവും, ശമനഔഷധഗുണവും, മൂത്രവര്ദ്ധകഗുണവും, കാമോദ്ദീപകഗുണവും, ശൂലനിവാരണൗഷധഗുണവും, രക്തശുദ്ധീകരണ ഗുണവും ഉണ്ട്.
മൂത്രശുക്ലം എന്ന രോഗത്തിന് ഉത്തമമെന്ന് വാഗ്ഭടാചാര്യന്.
‘മൂത്രിതസ്യ സ്ത്രിയം യാതോ വായുനാ ശുക്ല മുദ്ധതം
ഭസ്മോദക പ്രതികാശം മൂത്രശുക്ലം തദുച്യതേ.’
ശതാവരിക്കിഴങ്ങ് ഇടിച്ചുപിഴിഞ്ഞ നീര് പാലിലോ നെയ്യിലോ ചേര്ത്ത് കഴിച്ചാല് മുലപ്പാല് വര്ദ്ധിക്കും.
ശതാവരിക്കിഴങ്ങ് ഇടിച്ചുപിഴിഞ്ഞ നീരില് രാമച്ചപ്പൊടി ചേര്ത്ത് ലേപനം ചെയ്താല് ഉള്ളംകാല് ചുട്ടുനീറല് ശമിക്കും.
ശതാവരിക്കിഴങ്ങ് ഇടിച്ചുപിഴിഞ്ഞ നീരില് പഞ്ചസാരയോ തേനോ ചേര്ത്ത് കഴിച്ചാല് മഞ്ഞപ്പിത്തം, രക്തപിത്തം എന്നിവ ശമിക്കും.
ശതാവരിക്കിഴങ്ങ് ഇടിച്ചുപിഴിഞ്ഞനീരില് സമം വെള്ളം ചേര്ത്ത് രണ്ടുനേരം കഴിച്ചാല് വയറുവേദന, പുളിച്ചുതികട്ടല് എന്നിവ ശമിക്കും.
ശതാവരിക്കിഴങ്ങ് ഇടിച്ചുപിഴിഞ്ഞ നീരില് തേന് ചേര്ത്തു സേവിച്ചാല് അധികമായുള്ള ആര്ത്തവം, ദേഹം പുകച്ചില് ഇവ മാറും.
ശതാവരിക്കിഴങ്ങ് അരച്ച് പാലില് കലക്കി ശര്ക്കരയും ചേര്ത്ത് കഴിച്ചാല് ശരീരബലം വര്ദ്ധിക്കും.
ശതാവരിക്കിഴങ്ങ് ഇടിച്ചു പിഴിഞ്ഞ നീരില് പഞ്ചസാര ചേര്ത്ത് രണ്ടാഴ്ച അത്താഴത്തിന് ശേഷം കഴിച്ചാല് സ്വപ്
നസ്ഖലനം, ശിഘ്രസ്ഖലനം, ശരീരം മെലിച്ചില് എന്നിവ മാറും.
ശതാവരിക്കിഴങ്ങ്, അമൃത് ഇവ സമമെടുത്ത് ഇടിച്ചു പിഴിഞ്ഞ നീരില് ശര്ക്കര ചേര്ത്ത് കഴിച്ചാല് വാതജ്വരം ശമിക്കും.
ശതാവരിയില ഇടിച്ചുപിഴിഞ്ഞ നീരില് ഞെരിഞ്ഞില്, ഏലക്ക എന്നിവ പൊടിച്ച് ചേര്ത്ത് കഴിച്ചാല് മൂത്രാഘാതം ശമിക്കും.
ശതാവരിഗുളം, ശതാവരിഘൃതം ഇവ പ്രധാനഔഷധ യോഗങ്ങളാണ്.
ജന്മഭൂമി ഓണ്ലൈന്