നോട്ടിങ്ങാം: യൂറോപ്പ ലീഗില് പ്രീമിയര് ലീഗ് ടീം നോട്ടിങ്ങാമിന് തകര്പ്പന് ജയം. പ്രാഥമിക ഘട്ടത്തില് ഇന്നലെ നടന്ന മത്സരത്തില് സ്വീഡനില് നിന്നുള്ള ക്ലബ്ബ് ഫുട്ബോല് ടീം മാല്മോയെ 3-0ന്റെ വിജയം സ്വന്തമാക്കി.
27-ാം മിനിറ്റില് നോട്ടിങ്ങാമിന് വേണ്ടി റയാന് റയേറ്റ്സ് ആദ്യ ഗോള് നേടി. ആദ്യ പകുതി പിരിയുന്നതിന് തൊട്ടുമുമ്പ് അര്നോദ് കലിമ്യൂന്ഡോ കലിമ്യണ്ടോ നോട്ടിങ്ങാമിനായി രണ്ടാം ഗോളും നേടി. 59-ാം മിനിറ്റില് നിക്കോള മിലെങ്കോവിച്ചിലൂടെ നോട്ടിങ്ങാം വീണ്ടും സ്കോര് ചെയ്തു.
ഇസ്രായേല് ക്ലബ്ബ് ടെല് അവീവിനെ 6-0ന് തോല്പ്പിച്ചുകൊണ്ട് ലിയണ് 12 പോയിന്റുമായി ഒന്നാം സ്ഥാനത്തെത്തി. അഞ്ച് മത്സരങ്ങളില് നാല് ജയവും 12 പോയിന്റും സഹിതമാണ് മുന്നേറ്റം.
ഫ്രാന്സില് നിന്നുള്ള കോറെന്റിന് ടോളിസോ ഹാട്രിക് നേടി.
മറ്റൊരു കളിയില് ജര്മന് ക്ലബ്ബ് ആര്ബി സാല്സ്ബര്ഗിനെ ഇറ്റാലിയന് ക്ലബ്ബ് ബൊളോഗ്ന 4-1ന് തകര്ത്തു.
വേറൊരു കളിയില് ഡച്ച് ടീം ഗോ എഹീഡ് ഈഗിള്സിനെ ജര്മന് ടീം വിഎഫ്ബി സ്റ്റട്ട്ഗാര്ട്ട് 4-0ന് തോല്പ്പിച്ചു. 12-ാം സ്ഥാനത്താണ് സ്റ്റട്ട്ഗാര്ട്ട്.
