കൊച്ചി: രാഷ്ട്രീയത്തില് വികാരങ്ങള്ക്ക് പ്രസക്തിയില്ലെന്ന് പ്രതിപക്ഷ നേതാവ് വിഡി സതീശന്. അറബിക്കടല് ഇരമ്പി വന്നാലും എടുത്ത നിലപാടില് മാറ്റമില്ല. പാര്ട്ടിയുടെ തീരുമാനം കെപിസിസി പ്രസിഡന്റ് പറഞ്ഞിട്ടുണ്ടെന്നും അതില് കൂടുതല് ഒന്നും പറയാനില്ലെന്നും പ്രതിപക്ഷ നേതാവ് പറഞ്ഞു. രാഹുല് മാങ്കൂട്ടത്തില് വിഷയത്തില് ഒരു സാംസ്കാരിക പരിപാടിയുടെ വേദിയില് പ്രതികരിക്കുകയായിരുന്നു സതീശന്. രാഹുലിനെതിരായ നടപടി ബോധ്യങ്ങളില് നിന്നെടുത്ത തീരുമാനമാണെന്ന് വിഡി സതീശന് പറഞ്ഞു. പരിപാടി കഴിഞ്ഞുമടങ്ങുമ്പോള് രാഹുലിനെതിരെയുള്ള ലുക്ക് ഔട്ട് സര്ക്കുലര് സതീശന് കൈമാറാനുള്ള എസ്എഫ്ഐയുടെ ശ്രമം പൊലീസ് തടഞ്ഞു.
