മൂവാറ്റുപുഴ : ഇറ്റലിയിൽ സൂപ്പർമാർക്കറ്റിൽ ജോലിക്ക് വേണ്ടി വിസ നൽകാമെന്ന് പറഞ്ഞ് വിശ്വസിപ്പിച്ച് മൂവാറ്റുപുഴ സ്വദേശിനിയുടെ അഞ്ച് ലക്ഷം രൂപ തട്ടിയെടുത്ത കേസിൽ പ്രധാന പ്രതി പിടിയിൽ. ബംഗലൂരു ജ്ഞാനഹള്ളി വിനായക നഗർ അപാർട്ട്മെൻ്റ് തേർഡ് ക്രോസിൽ ജോസ് ഫ്രാൻസിസ് (42)നെയാണ് മൂവാറ്റുപുഴ ഇൻസ്പെക്ടർ ബേസിൽ തോമസിന്റെ നേതൃത്വത്തിൽ അറസ്റ്റ് ചെയ്തത്.
ഇയാൾ പ്രോട്ടോ ടാലൻറ് ഹയറിങ് സർവീസ് എന്ന പേരിൽ മുമ്പ് ബാംഗലൂരിൽ സ്ഥാപനം നടത്തിയിരുന്നതാണ്. ഒരു വർഷത്തിലേറെയായി ഒളിവിൽ ആയിരുന്ന പ്രതിയെ ബാംഗലൂരിലെ ഒളിസങ്കേതത്തിൽ നിന്നാണ് അറസ്റ്റ് ചെയ്തത്. സമാന തട്ടിപ്പുകൾ വേറെയും നടത്തിയിട്ടുണ്ടോ എന്ന് അന്വേഷിച്ചു വരുന്നു.
അന്വേഷണ സംഘത്തിൽ എസ് ഐ മാരായ അതുൽ പ്രേം ഉണ്ണി, പി.വി സജി വി.സി സജി ,പി.സി ജയകുമാർ,. എ എസ് ഐ ബിജു റ്റി കെ സീനിയർ സി പി ഒ മാരായ ഹാരിസ് എച്ച്, കെ.കെ ജയൻ എന്നിവർ ഉണ്ടായിരുന്നു.
