കൊല്ലം: ശബരിമല സ്വര്ണക്കൊള്ള കേസില് ശബരിമല മുന് അഡ്മിനിസ്ട്രേറ്റീവ് ഓഫിസര് മുരാരി ബാബുവിന് ജാമ്യമില്ല. കൊല്ലം വിജിലന്സ് കോടതിയാണ് ജാമ്യാപേക്ഷ തളളിയത്. ദ്വാരപാലക കേസിലും കട്ടിളപ്പാളി കേസിലും മുരാരി ബാബു പ്രതിയാണ്.രണ്ട് കേസിലും ജാമ്യാക്ഷേ തള്ളുകയായിരുന്നു.
ഗൂഢാലോചനയില് അടക്കം പ്രതിക്ക് പങ്കുണ്ടെന്നും ജാമ്യം നല്കുന്നത് അന്വേഷണത്തെ ബാധിക്കുമെന്നും പ്രോസിക്യൂഷന് വാദിച്ചു. എന്നാല് കീഴുദ്യോഗസ്ഥന് എന്ന നിലയില് ബോര്ഡിന്റെ ഉത്തരവ് പ്രകാരം പ്രവര്ത്തിക്കുക മാത്രമാണ് ചെയ്തതെന്നും സ്വര്ണക്കൊള്ളയില് പങ്കില്ലെന്നുമായിരുന്നു മുരാരി ബാബുവിന്റെ വാദം. അഡ്മിനിസ്ട്രേറ്റീവ് ഓഫീസറായി മുരാരി ബാബു ചുമതലയേല്ക്കും മുമ്പ് തന്നെ നടപടികള് തുടങ്ങിയിരുന്നെന്നും പ്രതിഭാഗം വാദിച്ചു
ദ്വാരപാലക പാളിയിലെ സ്വര്ണ മോഷണക്കേസില് മുരാരി ബാബു രണ്ടാം പ്രതിയും കട്ടിളപ്പടികളിലെ സ്വര്ണമോഷണക്കേസില് ആറാം പ്രതിയുമാണ്. ദ്വാരപാലക ശില്പ്പത്തിലെ സ്വര്ണപ്പാളികള് ചെമ്പുപാളിയെന്ന് രേഖപ്പെടുത്തിയത് മുരാരി ബാബുവായിരുന്നു. റാന്നി ഒന്നാംക്ലാസ് മജിസ്ട്രേട്ട് കോടതിയില് പ്രത്യേക അന്വേഷകസംഘം നല്കിയ റിമാന്ഡ് റിപ്പോര്ട്ടില് ഇക്കാര്യം പറയുന്നുണ്ട്. കഴിഞ്ഞ ഒക്ടോബര് 22നാണ് കേസില് മുരാരി ബാബുവിന്റെ അറസ്റ്റ് രേഖപ്പെടുത്തിയത്.
