കൊല്ലം: ശബരിമല സ്വര്ണക്കൊള്ളക്കേസില് അറസ്റ്റിലായ മുന് ദേവസ്വം കമ്മീഷണറും ദേവസ്വം പ്രസിഡന്റും സി പി എം നേതാവുമായ എന് വാസുവിന്റെ ജാമ്യാപേക്ഷയില് ഡിസംബര് മൂന്നിന് വിധി പറയും.കൊല്ലം വിജിലന്സ് കോടതിയാണ് ജാമ്യാപേക്ഷ പരിഗണിക്കുന്നത്.
എന്.വാസു വിരമിച്ചതിനുശേഷമാണ് സ്വര്ണപ്പാളികള് ഉണ്ണികൃഷ്ണന് പോറ്റിക്ക് കൈമാറിയതെന്നാണ് പ്രതിഭാഗം വാദിച്ചത്. തിരുവിതാംകൂര് ദേവസ്വം ബോര്ഡിന്റെ ഉത്തരവിറങ്ങിയപ്പോഴും വാസു ചുമതലയില് ഉണ്ടായിരുന്നില്ല.വാസുവിന്റെ അറിവോടെയല്ല ഒന്നും നടന്നതെന്നും വാദമുയര്ന്നു. മുരാരി ബാബു കൈമാറിയ കത്ത് ഉചിതമായ തീരുമാനമെടുക്കാനായി ബോര്ഡിന് കൈമാറുക മാത്രമാണ് എന്. വാസു ചെയ്തത്. അതിനെ ശുപാര്ശയെന്ന് പറയാനാകില്ലെന്നും പ്രതിഭാഗം വാദമുന്നയിച്ചു.
എന്നാല്, ജാമ്യാപേക്ഷയെ പ്രോസിക്യൂഷന് എതിര്ത്തു. ശബരിമല സ്വര്ണക്കൊള്ള കേസില് മുന് തിരുവാഭരണം കമ്മീഷ്ണര് കെ.എസ് ബൈജുവിന്റെ ജാമ്യാപേക്ഷയില് 29 ന് വിധി പറയും. കേസില് സിപിഎം നേതാവ് എ പത്മകുമാറിനെ കസ്റ്റഡിയില് വാങ്ങാനുള്ള എസ്ഐടി അപേക്ഷ ബുധനാഴ്ച പരിഗണിക്കും.
