കൊച്ചി: തദ്ദേശ തെരഞ്ഞെടുപ്പുമായി ബന്ധപ്പെട്ട അനധികൃത ബാനറുകള്, ബോര്ഡുകള്, കൊടികള്, ഫെസ്റ്റൂണുകള് എന്നിവയുള്പ്പെടെയുള്ളവയ്ക്കെതിരെ ആവശ്യമായ നടപടി സ്വീകരിക്കാന് ഹൈക്കോടതി സംസ്ഥാന തെര. കമ്മിഷനും ജില്ലാ കളക്ടര്മാര്ക്കും നിര്ദേശം നല്കി.
മുന് ഉത്തരവ് നടപ്പിലാക്കുന്നതില് പരാജയപ്പെട്ട തദ്ദേശ സ്ഥാപന സെക്രട്ടറിമാര്ക്കെതിരെ നടപടിയെടുക്കണമെന്ന് ആവശ്യപ്പെട്ടുള്ള ഹര്ജി പരിഗണിക്കുന്നതിനിടെയാണ് ജസ്റ്റിസ് ദേവന് രാമചന്ദ്രന് ഈ നിര്ദേശം നല്കിയത്. അനധികൃത ബോര്ഡുകള്, ബാനറുകള്, പതാകകള് എന്നിവക്കെതിരെ ആവശ്യമായ നടപടികള് ഉറപ്പാക്കാന് എല്ലാ തദ്ദേശ സ്ഥാപനങ്ങളുടെയും സെക്രട്ടറിമാര്ക്ക് കോടതി രണ്ടാഴ്ച സമയം അനുവദിച്ചു. ഹര്ജി ഡിസം.മൂന്നില ലേക്ക് മാറ്റി.
