ന്യൂദല്ഹി: റിലയന്സ് ഗ്രൂപ്പ് ചെയര്മാന് അനില് അംബാനിയുടെ സ്വത്ത് വകകള് കണ്ടുകെട്ടി ഇ ഡി. അനിലിന്റെ ഉടമസ്ഥതയിലുള്ള 1400 കോടിയുടെ ആസ്തിയാണ് ഇ ഡി കണ്ടുകെട്ടിയത്. ഇതോടെ റിലയന്സ് ഗ്രൂപ്പുമായി ബന്ധപ്പെട്ട് ഇ ഡി കണ്ടുകെട്ടുന്ന ആസ്തിയുടെ മൂല്യം 9,000 കോടി ആയി വര്ദ്ധിച്ചു.
ഫോറിന് എക്സ്ചേഞ്ച് മാനേജ്മെന്റ് ആക്ട് പ്രകാരം നിലവിലുള്ള അന്വേഷണവുമായി ബന്ധപ്പെട്ട ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് അനില് അംബാനിക്ക് ഇ ഡി നോട്ടീസ് നല്കിയിരുന്നു. എന്നാല് രണ്ട് തവണ നോട്ടീസ് അയച്ചിട്ടും ഹാജരാകാതിരുന്നതിന് പിന്നാലെയാണ് കടുത്ത തീരുമാനം. ജയ്പൂര്-രീംഗസ് ഹൈവേ പ്രോജക്ടില് നിന്ന് 40 കോടി രൂപ വിദേശത്തേക്ക് കടത്താന് അനില് അംബാനി ഗ്രൂപ്പ് ശ്രമിച്ചതായാണ് ഇ ഡി ആരോപിക്കുന്നത്. സൂറത്തിലെ ഷെല് കമ്പനികള് വഴി ഈ പണം ദുബായിലേക്ക് കടത്തിയതായി ഇ ഡി പറയുന്നു. ഇത് 600 കോടി രൂപയിലധികം വരുന്ന ഒരു വലിയ അന്താരാഷ്ട്ര ഹവാല ശൃംഖലയുടെ ഭാഗമാണെന്നാണ് ഇ ഡി കരുതുന്നത്.
