പത്തനംതിട്ട: വൈദ്യുതി ബില് അടക്കാഞ്ഞതിന് ഫ്യൂസൂരാന് എത്തിയ ലൈന്മാനെ നായയെ അഴിച്ചുവിട്ട് കടിപ്പിച്ചതായി പരാതി.
കെഎസ്ഇബി കല്ലിശ്ശേരി സെക്ഷനിലെ ലൈന്മാനായ ആര് രഞ്ജിത്തിനാണ് കടിയേറ്റത്. കുറ്റൂര് മുള്ളിപ്പാറ തെക്കേതില് സുകുമാരന്റെ മകന് ശ്രീക്കുട്ടന്റെ വീട്ടിലാണ് സംഭവം. വൈദ്യുതി ബില് അടയ്ക്കാത്ത കാര്യം ശ്രീക്കുട്ടനെ ഫോണില്വിളിച്ച് അറിയിച്ചപ്പോള് ബില്ലടക്കാന് കഴിയില്ലെന്നും ഫ്യൂസ് ഊരിക്കോ എന്നാണ് പ്രതികരിച്ചതെന്ന് രഞ്ജിത്ത് പറഞ്ഞു. ഇതേത്തുടര്ന്ന് രഞ്ജിത്തും സഹപ്രവര്ത്തകനും വീട്ടില് എത്തിയപ്പോള് വളര്ത്തുനായയെ അഴിച്ചുവിട്ടു. ഓടി മാറാന് ശ്രമിച്ചെങ്കിലും നായ ചാടിവീണു കടിക്കുകയായിരുന്നുവെന്ന് രഞ്ജിത്ത് പറഞ്ഞു.
കെഎസ്ഇബി അസിസ്റ്റന്റ് എന്ജിനീയറുടെ പരാതിയില് തിരുവല്ല പോലീസ് അന്വേഷണം ആരംഭിച്ചു.
