സ്വര്കൊച്ചി: ശബരിമല ക്ഷേത്രത്തിലെ സ്വര്ണ മോഷണം അന്വേഷിക്കാന് രൂപീകരിച്ച പ്രത്യേക അന്വേഷണ സംഘത്തോട് (എസ്ഐടി) 2019- ല് ശ്രീകോവിലിന്റെ പ്രധാന വാതിലുകളുടെ അറ്റകുറ്റപ്പണികളുമായി ബന്ധപ്പെട്ട് തിരുവിതാംകൂര് ദേവസ്വം ബോര്ഡ് ഉദ്യോഗസ്ഥരുടെയും ഉണ്ണികൃഷ്ണന് പോറ്റിയുടെയും പ്രവര്ത്തനങ്ങളും, 2025-ല് കോടതി ഉത്തരവുകളും ദേവസ്വം മാനുവലും മറികടന്നതായി ആരോപിക്കപ്പെടുന്ന ബോര്ഡിന്റെ നടപടികളും അന്വേഷിക്കാന് ഹൈക്കോടതി ഉത്തരവിട്ടു.
ശ്രീകോവിലിന് മുന്നിലുള്ള ദ്വാരപാലക വിഗ്രഹങ്ങളുടെ ണം പൂശിയ ചെമ്പ് ആവരണങ്ങള് മുന്കൂര് ജുഡീഷ്യല് അനുമതിയില്ലാതെ നീക്കി അറ്റകുറ്റപ്പണികള്ക്കായി ചെന്നൈയിലേക്ക് കൊണ്ടുപോയതുമായി ബന്ധപ്പെട്ട് ശബരിമല സ്പെഷ്യല് കമ്മിഷണറുടെ റിപ്പോര്ട്ടിന്റെ അടിസ്ഥാനത്തില് സ്വമേധയാ ആരംഭിച്ച കേസ് തീര്പ്പാക്കിയാണ് ജസ്റ്റിസുമാരായ വി. രാജ വിജയരാഘവന്, കെ. വി. ജയകുമാര് എന്നിവരടങ്ങിയ ബെഞ്ച് ഉത്തരവ് പുറപ്പെടുവിച്ചത്. നേരത്തെ, ദ്വാരപാലക വിഗ്രഹങ്ങളുടെ ചെമ്പ് ആവരണങ്ങള്, വശങ്ങളിലെ ഫ്രെയിമുകള്, ലിന്റല്, ക്ഷേത്രത്തിലെ മറ്റ് വിലപിടിപ്പുള്ള വസ്തുക്കള് എന്നിവയില് സ്വര്ണം പൂശിയതിലെ പൊരുത്തക്കേടുകള് അന്വേഷിക്കാന് കോടതി എസ്ഐടിയോട് നിര്ദേശിച്ചിരുന്നു.
ബുധനാഴ്ച, എസ്ഐടി നല്കിയ രേഖകളും രജിസ്റ്ററുകളും പരിശോധിച്ചശേഷം, 2019 ല് ശ്രീകോവിലിന്റെ പ്രധാന വാതിലില് നടത്തിയ അറ്റകുറ്റപ്പണികളുമായി ബന്ധപ്പെട്ട ഗുരുതരമായ പൊരുത്തക്കേടുകള് കോടതി ശ്രദ്ധിച്ചു. 2018 ല്, ശ്രീകോവിലിന്റെ പ്രധാന വാതിലിന്റെ അളവുകള് എടുക്കാന് പോറ്റി നന്ദന് എന്ന മരപ്പണിക്കാരനെ ഏര്പ്പാടാക്കിയിരുന്നതായി വെളിപ്പെടുത്തിയിരുന്നു. നട തുറന്നിരിക്കുന്ന സമയത്ത് നന്ദന് സന്നിധാനത്ത് എത്തിയപ്പോള്, കീഴ്ശാന്തികള് എളുപ്പത്തില് വേര്പെടുത്താവുന്നതുമായ വാതിലുകള് നീക്കി അളവെടുക്കുന്നതിനായി അദ്ദേഹത്തിന് കൈമാറി. അഷ്ടാഭിഷേക കൗണ്ടറിന് സമീപം കണ്ടെത്തിയ വാതിലുകള്, വാസ്തവത്തില്, മക്ഡൊവല് നല്കിയ സ്വര്ണം കൊണ്ട് പൊതിഞ്ഞ യഥാര്ത്ഥ വാതിലുകളാണോ എന്ന ഗുരുതരമായ ചോദ്യം കോടതി ഉന്നയിച്ചു.
