കണ്ണൂര്: ഏറ്റുകുടുക്കയില് ബി എല് ഒ അനീഷ് ജോര്ജ് ജീവനൊടുക്കിയത് സിപിഎം ഭീഷണിയെ തുടര്ന്നെന്ന ആരോപണത്തിന് തെളിവായി ശബ്ദസംഭാഷണങ്ങള് പുറത്തുവിട്ട് കോണ്ഗ്രസ്. കോണ്ഗ്രസ് ബൂത്ത് ലെവല് ഏജന്റ് വൈശാഖും അനീഷ് ജോര്ജും തമ്മിലുള്ള ശബ്ദസംഭാഷണമാണ് കണ്ണൂര് ഡിസിസി പ്രസിഡന്റ് മാര്ട്ടിന് ജോര്ജ് പുറത്തുവിട്ടത്.
സമ്മര്ദമുണ്ടെന്ന് ഈ സംഭാഷണത്തില് അനീഷ് ജോര്ജ് വൈശാഖിനോട് പറയുന്നു.രാഷ്ട്രീയ പാര്ട്ടി പ്രതിനിധികളായ ബൂത്ത് ലെവല് ഏജന്റുമാര്ക്ക് പകരം സിപിഎം ബ്രാഞ്ച് ബ്രാഞ്ച് സെക്രട്ടറിയാണ് ഫോം വിതരണത്തിനായി അനീഷിനൊപ്പം പോയതെന്ന് ഡി സി സി പ്രസിഡന്റ് ആരോപിച്ചു.
സി പി എമ്മിന് വന് ശക്തിയുളള പഞ്ചായത്തില് ഒരു പഞ്ചായത്ത് അംഗം പോലും കോണ്ഗ്രസിനില്ല. അവിടെ സിപിഎം ബി എല് ഒമാരെ നിയന്ത്രിച്ച് കള്ളവോട്ട് ചെയ്യുന്നത് പതിവാണെന്നും അതിന് സാഹചര്യം ഒരുക്കാന് ബിഎല്ഒ അനീഷ് ജോര്ജിനെ അവര് ഭീഷണിപ്പെടുത്തി സമ്മര്ദം ചെലുത്തുകയായിരുന്നുവെന്നുമാണ് കോണ്ഗ്രസിന്റെ ആരോപണം. സിപിഎം ബ്രാഞ്ച് സെക്രട്ടറി ചന്ദ്രന് അനീഷിന് ഒപ്പം വീടുകളില് ഫോം നല്കാന് പോയി. രണ്ടാം ദിവസം ഡിവൈഎഫ്ഐ നേതാവ് പ്രജോദ് ആണ് ഒപ്പം പോയതെന്നും ഡി സി സി പ്രസിഡന്റ് മാര്ട്ടിന് ജോര്ജ് പറഞ്ഞു.
അതേസമയം, എസ് ഐ ആര് എന്യൂമറേഷന് ഫോമുകളില് 22 ശതമാനം ജോലി മാത്രമായിരുന്നു അനീഷിന് തീര്ക്കാനുണ്ടായതെന്നാണ് ജില്ലാ കളക്ടറുടെ റിപ്പോര്ട്ട്.കഴിഞ്ഞ ദിവസം രാവിലെ ബൂത്ത് ലെവല് സൂപ്പര്വൈസര്, അനീഷ് ജോര്ജിനെ ഫോണില് ബന്ധപ്പെട്ട് സഹായം ആവശ്യമുണ്ടോയെന്ന് ചോദിച്ചിരുന്നു. എന്നാല് ഇനി 50 ഫോമുകള് മാത്രമേ വിതരണം ചെയ്യാന് ബാക്കിയുള്ളൂ എന്നും അത് തനിയെ ചെയ്തോളാമെന്നുമായിരുന്നു മറുപടി. ജോലിയുമായി ബന്ധപ്പെട്ട് സമ്മര്ദം ഉണ്ടായിരുന്നില്ലെന്നും ജില്ലാ കളക്ടറുടെ റിപ്പോര്ട്ടില് പറയുന്നു.എന്നാല് ജില്ലാ കളക്ടറുടെ വാദം അനീഷിന്റെ കുടുംബം തള്ളി.
കാങ്കോല്-ആലപ്പടമ്പ് പഞ്ചായത്തില് ഉള്പ്പെട്ട ഏറ്റുകുടുക്കയിലെ വീട്ടില് പൊതുദര്ശനത്തിന് ശേഷം ഉച്ചതിരിഞ്ഞ് ലൂര്ദ്മാതാ മലങ്കര കത്തോലിക്കാ പള്ളി ശ്മശാനത്തിലാണ് അനീഷ് ജോര്ജിന്റെ മൃതദേഹം സംസ്കരിച്ചത്.
