അരങ്ങില് വിസ്മയം തീര്ത്ത് കാഞ്ഞൂര് കലാഗൃഹത്തിന്റെ ശക്തന് തമ്പുരാന് മൂന്നാം നാടകവര്ഷത്തിലേക്ക് പ്രവേശിക്കുന്നു. ശക്തന് തമ്പുരാന്റെ ജീവിതത്തിലൂടെയുള്ള കാവ്യാത്മകമായ യാത്രയാണ് ഈ നാടകം പങ്കുവയ്ക്കുന്നത്.
അനുവാചകര്ക്ക് അത്രയേറെ പരിചിതമല്ലാത്ത ജീവിതമുഹൂര്ത്തങ്ങളിലൂടെയുള്ള യാത്ര. നീണ്ട പഠനങ്ങള്ക്കും അന്വേഷണങ്ങള്ക്കും ശേഷമാണ് നാടകം അരങ്ങിലെത്തിച്ചത്. മുക്തകണ്ഠ പ്രശംസ നേടിയാണ് രണ്ട് നാടകക്കാലം കടന്നത്. മികച്ച സംസ്കൃത ചിത്രത്തിനുള്ള ഫിലിം ക്രിട്ടിക്സ് അവാര്ഡ് നേടിയ എകാകി എന്ന സിനിമയിലെ ഏക കഥാപാത്രത്തെ അവതരിപ്പിച്ച സുരേഷ് കാലടിയാണ് ശക്തന് തമ്പുരാനെ അവതരിപ്പിക്കുന്നത്. കാഞ്ഞുര് പരമേശ്വരനാണ് രചന നിര്വ്വഹിച്ചിരിക്കുന്നത്.
ഗുരുപൂജ പുരസ്കാരം നേടിയ കാഞ്ഞൂര് മത്തായി സംവിധാനം ചെയ്ത് ശ്രദ്ധേയമായ വേഷം അവതരിപ്പിക്കുന്നു. സിനിമാ-സീരിയല് നടന് ജയിംസ് പാറയ്ക്കയാണ് ക്രിയേറ്റീവ് ഡയറക്ടര്. കാഞ്ഞൂരിലെയും പരിസരങ്ങളിലേയും നാടക കലാകാരന്മാരുടെ കൂട്ടായ്മയാണ് കലാഗൃഹം. ഒരു കാലത്ത് അരങ്ങ് വാണവരുടെ കൂടിച്ചേരല്. സാമ്പത്തിക പരാധീനതകള് മൂലം നാടക സമിതികള് വിസ്മൃതിയിലേക്ക് നീങ്ങിയപ്പോള് നാടകത്തിന് വേണ്ടി ജീവിതം മാറ്റി വച്ചവര് ഈ കലാരൂപത്തെ നിലനിര്ത്തുവാന് രംഗത്തിറങ്ങുകയായിരുന്നു. ഇതിനകം 9 നാടകങ്ങള് കലാഗൃഹം അരങ്ങിലെത്തിച്ചു.
ജന്മഭൂമി ഓണ്ലൈന്