തിരുവനന്തപുരം : തീവ്ര വോട്ടര് പട്ടിക പരിഷ്കരണത്തില് കോണ്ഗ്രസ് സഹകരിക്കും.ഓരോ നിയോജകമണ്ഡലത്തിന്റെയും ചുമതല ഓരോ കെപിസിസി ജനറല് സെക്രട്ടറിമാര്ക്ക് നല്കാനാണ് തീരുമാനം.
പാര്ട്ടിയുടെ ബൂത്ത് ലെവല് ഏജന്റുമാരെ വോട്ടു ചേര്ക്കാനും പാര്ട്ടി അനുകൂല വോട്ട് ഉറപ്പിക്കാനും സജീവമായി ഇറക്കും.ഏജന്റുമാര് ഇല്ലാത്തിടത്ത് പത്തു ദിവസത്തിനകം ആളെ നിയോഗിക്കും. തദ്ദേശ തെരഞ്ഞെടുപ്പ് പ്രചാരണത്തിന് സമാന്തരമായി വോട്ടു ചേര്ക്കലും നടത്താനാണ് നിര്ദേശം. മാറി നിന്നാല് തിരിച്ചടിയാകുമെന്ന വിലയിരുത്തല് ആണ് കെപിസിസി ഭാരവാഹി യോഗത്തില് ഉണ്ടായത്.
അതിനിടെ, തീവ്ര വോട്ടര്പട്ടിക പരിഷ്കരണത്തെ ഗൗരവമായി സമീപിക്കാന് കെപിസിസി നേതൃയോഗം തീരുമാനമെടുത്തതിന് പിറകെ പ്രതിപക്ഷ നേതാവ് വി.ഡി സതീശന് കോഴിക്കോടും മലപ്പുറത്തുമായി മുസ്ലിം മത സംഘടനാ നേതാക്കളുമായി കൂടിക്കാഴ്ച നടത്തി.എസ്ഐആര് നടപടികളെ ഗൗരവമായി പാര്ട്ടി കാണുന്നുണ്ടെന്നും ഇക്കാര്യത്തില് മത സംഘടനകളുടെ കൂടി ഇടപെടല് ഉണ്ടാകണമെന്നും
അദ്ദേഹം അഭ്യര്ത്ഥിച്ചു.
എസ്ഐആറിന്റെ ഭാഗമായി വോട്ടര്പട്ടികയില് പേരു ചേര്ക്കുന്ന നടപടി രാഷ്ട്രീയ പാര്ട്ടികളുടെ മാത്രം ഉത്തരവാദിത്തമായി കാണരുതെന്നാണ് സതീശന് നേതാക്കളോട് ആവശ്യപ്പെട്ടത്.
