കൊച്ചി: എറണാകുളം – ബംഗളൂരു വന്ദേഭാരത് എക്സ്പ്രസ് സര്വീസ് ചൊവ്വാഴ്ച മുതല്. ബുധന് ഒഴികെയുള്ള ദിവസങ്ങളിലാണ് സര്വീസ്.
എട്ടു കോച്ചുകളുള്ള ട്രെയിനില് ഏഴ് ചെയര്കാറുകള്, ഒരു എക്സിക്യൂട്ടീവ് ചെയര്കാര് എന്നിവയുണ്ട്. 600 പേര്ക്കു യാത്ര ചെയ്യാനാകും.
എറണാകുളം – ബംഗളുരു എക്സ്പ്രസ് തൃശൂര്, പാലക്കാട്, കോയമ്പത്തൂര് വഴിയാണ് സര്വീസ് നടത്തുന്നത്. എറണാകുളത്തിനും ബംഗളൂരുവിനും ഇടയിലുള്ള യാത്രയില് കൃഷ്ണരാജപുരം, സേലം, ഈറോഡ്, തിരുപ്പൂര്, കോയമ്പത്തൂര്, പാലക്കാട്, തൃശൂര് എന്നിങ്ങനെ ഏഴ് സ്റ്റേഷനുകളിലാണ് ട്രെയിനിന് സ്റ്റേപ്പ് ഉള്ളത്.
