തിരുവനന്തപുരം: അവധിയെടുത്ത് വിദേശത്ത് ജോലിക്ക് പോകുന്ന സര്ക്കാര് ജീവനക്കാര് അവധി കഴിഞ്ഞ് കൃത്യമായി തിരികെ കയറിയില്ലെങ്കില് കടുത്ത നടപടിയ്ക്ക് നിര്ദേശം നല്കി ധനവകുപ്പ്. തിരികെ ജോലിക്കെത്താത്തവരെ നടപടിക്രമങ്ങള് പൂര്ത്തീകരിച്ച് വേഗത്തില് പിരിച്ചുവിടാനാണ് ധനവകുപ്പ് നിര്ദേശം.
വിദേശത്തും മറ്റും ജോലിയ്ക്കായും പഠന അവധിക്കായും ശൂന്യവേതന അവധിയെടുക്കുന്ന സര്ക്കാര് ജീവനക്കാര് കൃത്യമായ തീയതിയില് തിരികെ ജോലിയ്ക്ക് പ്രവേശിക്കണം. അവധി അനുവദിച്ച തീയതി കഴിഞ്ഞിട്ടും വര്ഷങ്ങളോളം സര്വീസില് തിരിച്ച് കയറാത്തവരുണ്ട്. ഇവരെ നടപടി എടുത്ത് പുറത്താക്കണമെന്നാണ് ധനവകുപ്പ് നിര്ദേശം നല്കിയത്.
കൃത്യ സമയത്ത് നടപടി സ്വീകരിക്കാത്തതിനാല് പലര്ക്കും പെന്ഷന് ആനുകൂല്യം അടക്കം നല്കേണ്ടിവരുന്നു. ഇത് സര്ക്കാരിന് വലിയ സാമ്പത്തിക ബാധ്യത ഉണ്ടാക്കുന്നു. ഈ സാഹചര്യത്തിലാണ് ധനവകുപ്പിന്റെ കര്ശന നിര്ദ്ദേശം. കൃത്യമായി നടപടി എടുക്കാത്ത മേലുദ്യോഗസ്ഥര്ക്കെതിരെയും അച്ചടക്കനടപടി വരുമെന്നാണ് മുന്നറിയിപ്പ്.
