തിരുവനന്തപുരം : എക്സില് നിന്ന് പിന്വലിച്ച ഗണഗീത വീഡിയോ വീണ്ടും പോസ്റ്റ് ചെയ്ത് ദക്ഷിണ റെയില്വേ. ഗണഗീതത്തിന്റെ ഇംഗ്ലീഷ് വിവര്ത്തനംകൂടി ചേര്ത്താണ് പുതിയ പോസ്റ്റ്.
എറണാകുളം സൗത്ത് ബെംഗളുരു വന്ദേഭാരത് എക്സ്പ്രസ് ഉദ്ഘാടനത്തിനാണ് വിദ്യാർഥികൾ ഗണഗീതം പാടിയത്. ഇതാണ് ദക്ഷിണ റെയിൽവേ എക്സ് പ്ലാറ്റ്ഫോമിൽ പങ്കുവെച്ചത്. പിന്നീട് പ്രതിഷേധമുയർന്നപ്പോൾ പിന്വലിച്ചെങ്കിലും ഇപ്പോൾ വീണ്ടും പോസ്റ്റ് ചെയ്തു. വന്ദേഭാരത് ഫ്ലാഗ് ഓഫ് ചടങ്ങിന് ശേഷം വിദ്യാർഥികൾ ട്രെയിനിന് അകത്തുനിന്നാണ് ഗണഗീതം പാടിയത്. അതേസമയം ഗണഗീതം പിൻവലിച്ചപ്പോൾ സന്തോഷിച്ചവർക്കുള്ള തിരിച്ചടിയാണ് റെയിൽ വേയുടെ ഈ റീ പോസ്റ്റ്.
കേരളത്തിന് അനുവദിച്ച മൂന്നാം വന്ദേഭാരത് ട്രെയിൻ ഇന്ന് രാവിലെയാണ് പ്രധാനമന്തി നരേന്ദ്രമോദി ഫ്ലാഗ് ഓഫ് ചെയ്തത്. എറണാകുളം – ബെംഗളൂരു റൂട്ടിലോടുന്ന വന്ദേ ഭാരതിന്റെ ട്രയൽ റൺ കഴിഞ്ഞ ദിവസം പൂർത്തിയായിരുന്നു.
