കോട്ടയം : സംസ്ഥാനത്തെ നൂറുകണക്കിന് സാധാരണക്കാരുടെ സ്വപ്നങ്ങള്ക്കൊപ്പം പള്ളിക്കത്തോട് സിബിയുടെ വീടെന്ന ജന്മാഭിലാഷവും സഫലീകരിച്ച കേന്ദ്രമന്ത്രി സുരേഷ് ഗോപിക്ക് നാടിന്റെ നന്ദിയും അഭിനന്ദനവും അറിയിക്കുന്നതായി ബിജെപി നേതാവ് എന്. ഹരി
പള്ളിക്കത്തോട്ടില് അടുത്തയിടെ നടന്ന കലുങ്കു സൗഹൃദ സദസിലാണ് സിബി ഓന്തശ്ശേരി ക്കും കുടുംബത്തിനും വീട് അനുവദിച്ചത്. സിബിയുടെ സാഹചര്യം മനസിലാക്കിയ കേന്ദ്രമന്ത്രി ഉടന്തന്നെ നിര്മ്മാണത്തിനുള്ള നടപടി സ്വീകരിക്കുകയായിരുന്നു.
തേജവധം ചെയ്യാന് ശ്രമിക്കുമ്പോഴെല്ലാം സാധാരണ ജനത്തിന്റെ സങ്കടങ്ങള്ക്ക് ഒപ്പം കൂടുതല് കരുത്തോടെ ചേര്ന്നുനിന്ന് മാതൃകാപരമായ പ്രവര്ത്തനമാണ് സുരേഷ് ഗോപി ചെയ്യുന്നത്. സ്വന്തം അധ്വാനത്തിന്റെ വരുമാനം ജനങ്ങളുടെ ജീവല് പ്രശ്നങ്ങള്ക്ക് വേണ്ടി വിനിയോഗിക്കുന്ന ലോകത്തിലെ തന്നെ അപൂര്വ്വ വ്യക്തിത്വങ്ങളില് ഒന്നാണ് അദ്ദേഹം.
കലുങ്ക് സഭകളില് വീടും ഓട്ടോറിക്ഷയും ജീവകാരുണ്യവും ക്ഷേമവുമായി തലമുറയില്ലാത്ത സഹായമാണ് പ്രഖ്യാപിക്കുന്നത്. ഇതെല്ലാം തന്നെസ്വയം അധ്വാനിക്കുന്ന
ധനം ഉപയോഗിച്ചാണ് എന്നത് അദ്ദേഹത്തിന്റെ മൂല്യവും മഹത്വവും വര്ദ്ധിപ്പിക്കുന്നു. കല്ലെറിയും തോറും ജനഹൃദയങ്ങളില് സ്ഥിരപ്രതിഷ്ഠനാവുകയാണ് സുരേഷ് ഗോപി.
മൂന്നാറിലെ വട്ടവടയിലെ 18 കുടുംബങ്ങള്ക്കൊപ്പം പള്ളിക്കത്തോടിനെയും ചേര്ത്തുവയ്ക്കുകയാണ് കേന്ദ്രമന്ത്രി.
പള്ളിക്കത്തോട് ഗ്രാമപഞ്ചായത്ത് രണ്ടാം വാര്ഡിലെ സിബിക്ക് കേന്ദ്രമന്ത്രി സുരേഷ് ഗോപിയുടെ മകളുടെ പേരിലുള്ള ട്രസ്റ്റില് നിന്നാണ് വീടുപണിയുന്നതിന് സഹായം അനുവദിച്ചത്.
ഭവന നിര്മ്മാണത്തിന്റെ ഉദ്ഘാടന ചടങ്ങില് സേവാഭാരതിയുടെ ചുമതലയുള്ള
സി എന് പുരുഷോത്തമന് നമ്പൂതിരി, ബിജെപി മധ്യമേഖല പ്രസിഡന്റ് എന് ഹരി, പള്ളിക്കത്തോട് പഞ്ചായത്ത് വൈസ് പ്രസിഡന്റ് കെ കെ വിപിന ചന്ദ്രന്, വാര്ഡ് മെമ്പര് വിജയന് മാഷ് പഞ്ചായത്ത് പ്രസിഡന്റ് മഞ്ജു ബിജു, സേവാ പ്രമുഖ് ആര് രാജേഷ്, വാര്ഡ് മെമ്പര്മാരായ അശ്വതി സതീഷ്,ആശാ ഗിരീഷ്. സാമൂഹ്യ സാംസ്കാരിക പ്രവര്ത്തകര് എന്നിവരുടെ സാന്നിധ്യത്തില് നടന്നതായി കണ്വീനര് ഗിരീഷ് കുമാര് കെ എസ് അറിയിച്ചു.
ആനിക്കാട് വിശ്വംഭരന് ഭവന നിര്മ്മാണത്തിനായി സേവാഭാരതിക്ക് കൈമാറിയ12 പ്ലോട്ടുകള് ഒന്നാണ് സിബിക്ക് വീട് പണിയുന്നതിനായി സേവാഭാരതി നല്കിയത്
