കൊച്ചി : ഇന്ന് ഫ്ലാഗ് ഓഫ് ചെയ്ത വന്ദേഭാരതിൽ ആര്.എസ്.എസ് ഗണഗീതം ആലപിച്ചതിനെതിരെ കമ്യൂണിസ്റ്റുകാരും , മതമൗലികവാദികളും വിമർശനവുമായി രംഗത്തെത്തിയിരുന്നു. എറണാകുളം-കെഎസ്ആര് ബെംഗളൂരു വന്ദേഭാരത് എക്സ്പ്രസ് ഉദ്ഘാടനത്തിനിടെയായിരുന്നു വിദ്യാർത്ഥികൾ ഗണഗീതം ആലപിച്ചത് .എളമക്കര സരസ്വതി വിദ്യാനികേതനിലെ കുട്ടികളാണ് ഗാനം ആലപിച്ച് വൈറലായത്. അതിനു പിന്നാലെയാണ് വിമർശനമുണ്ടായത്. എന്നാൽ ഇപ്പോൾ അതിനു മറുപടി നൽകിയിരിക്കുകയാണ് ബിജെപി നേതാവ് യുവരാജ് ഗോകുൽ.
‘ ആര്.എസ്.എസ് ഗണഗീതം ഞങ്ങള് കേരളാ നിയമസഭയിലും പാടും…. അരുണിനും ഹാഷ്മിക്കും ഒക്കെ ഇതിലും ഉച്ചത്തില് കരയാനുള്ള അവസരം ഉണ്ടാക്കിത്തരുന്നതായിരിക്കും….ഇവിടെ തളിരിടുമൊരൊറ്റ മൊട്ടും വാടി തളര്ന്നു വീഴില്ല….‘ എന്നാണ് യുവരാജിന്റെ കുറിപ്പ്. പോസ്റ്റിന് താഴെ നിരവധി പേരാണ് കമന്റായും ഗണഗീതവരികൾ പങ്ക് വച്ചിരിക്കുന്നത് .
വന്ദേഭാരത് നിർമിച്ചത് ജനങ്ങളുടെ നികുതിപണംകൊണ്ടാണെന്നും ഗണഗീതം ശാഖയിൽ പാടിയാൽ മതിയെന്നും ഡിവൈഎഫ്ഐ സംസ്ഥാന സെക്രട്ടറി വി കെ സനോജ് പറഞ്ഞിരുന്നു. ഇതിനുള്ള മറുപടിയുമാണ് യുവരാജിന്റെ പോസ്റ്റ്.
