ന്യൂദല്ഹി : രാഹുല് ഗാന്ധി പരാമര്ശിച്ച വോട്ടര് പട്ടികയിലെ ബ്രസീലിയന് മോഡലിന്റെ ചിത്രം സംബന്ധിച്ച് തനിക്ക് അറിയാമായിരുന്നെന്ന് ഹരിയാനയിലെ മുലാനയിലുള്ള ബൂത്ത് ലെവല് ഓഫീസര് (ബിഎല്ഒ) സ്ഥിരീകരിച്ചതായി ഇന്ത്യാ ടുഡേ റിപ്പോര്ട്ടു ചെയ്യുന്നു.
‘ഞാന് സര്വേ നടത്തിയപ്പോള്, ഒരേ ഫോട്ടോ മൂന്ന് തവണ പ്രത്യക്ഷപ്പെട്ടതായി കണ്ടെത്തി. ‘സ്വന്തം ഫോട്ടോകള് തന്നവരുടെ പട്ടികയില് ഞാന് തിരുത്തുവരുത്തി. എന്നാല് മറ്റുള്ളവരുടെ കാര്യത്തില്, തെറ്റായ ചിത്രം മാറ്റാന് കഴിഞ്ഞില്ല. ബിഎല്ഒ പറഞ്ഞു.
വോട്ടര് പട്ടികയില് സ്ത്രീയുടെ ചിത്രം ആവര്ത്തിച്ചത് സാങ്കേതികമായ പിഴവാണെന്നും ആരും കള്ളവോട്ടു ചെയ്തിട്ടില്ലെന്നുമുള്ള സൂചനയാണ് നല്കുന്നത്.
ഇന്ത്യയിലെ വോട്ടര് പട്ടികയുടെ കൃത്യത ഉറപ്പുവരുത്തേണ്ടതിന്റെ പ്രാധാന്യമാണ് ഈ സംഭവങ്ങള് കാണിക്കുന്നതെന്ന് ഇന്ത്യാ ടുഡേ റിപ്പോര്ട്ടില് പറയുന്നു.
ഫോട്ടോ മാറിപ്പോകല്, ഡ്യൂപ്ലിക്കേറ്റ് എന്ട്രികള് എന്നിവ വളരെക്കാലമായുള്ള പ്രശ്നമാണ്. പ്രത്യേകിച്ച് ഡിജിറ്റൈസേഷന് ഇനിയും പൂര്ണ്ണമാവാത്ത ഗ്രാമപ്രദേശങ്ങളില്.’223 എന്ട്രികള്’ എന്നത് 223 വ്യാജ വോട്ടര്മാരാണെന്നതിന് അര്ത്ഥമില്ല.
.
