വോട്ടിംഗ് പട്ടികയിൽ കൃത്രിമം നടന്നതായി ആരോപിച്ച് രാഹുൽ ഗാന്ധി വീണ്ടും എത്തിയിരുന്നു.ഹരിയാനയിലെ വോട്ടിംഗ് പട്ടികയിൽ 25 ലക്ഷത്തിലധികം വ്യാജ വോട്ടർമാരുണ്ടെന്നാണ് രാഹുൽ ഗാന്ധി അവകാശപ്പെട്ടത്. ഹരിയാനയിൽ ഒരു ബ്രസീലിയൻ മോഡൽ 22 തവണ വോട്ട് ചെയ്തിട്ടുണ്ടെന്ന് അദ്ദേഹം പറഞ്ഞു. പിന്നാലെ രാഹുൽ ഗാന്ധി പുറത്തുവിട്ട ചിത്രത്തിന് പിന്നാലെയായി ആളുകളും. നിരവധി പേരാണ് ഈ മോഡലിനെ തിരഞ്ഞ് എത്തിയത്.
ഹരിയാനയിലെ വോട്ടിംഗ് പട്ടികയിൽ ഈ മോഡലിന്റെ പേര് എങ്ങനെ വന്നു, ഈ മോഡൽ ആരാണ്?’ആരാണ് ഈ സ്ത്രീ? എന്താണ് അവരുടെ പേര്? എവിടെ നിന്നാണ് അവര് വരുന്നത്? ആര്ക്കും അറിയില്ല, എന്നാല് അവര് ഹരിയാണയില് 10 വ്യത്യസ്ത ബൂത്തുകളിലായി 22 തവണ വോട്ട് ചെയ്തിട്ടുണ്ട്. അവര്ക്ക് സീമ, സ്വീറ്റി, സരസ്വതി, രശ്മി, വില്മ എന്നിങ്ങനെ പേരുകളുണ്ട്.’ രാഹുല് പറഞ്ഞു.
ഹരിയാനയിലെ പത്തിലധികം പോളിംഗ് സ്റ്റേഷനുകളിൽ ഈ ഒരേ മുഖം വ്യത്യസ്ത പേരുകളിൽ വോട്ട് ചെയ്തുവെന്നും ഇത് ഒരു സാധാരണ വോട്ടറല്ല. അവര് ഒരു ബ്രസീലിയന് മോഡലാണെന്ന് രാഹുല് അവകാശപ്പെട്ടെങ്കിലും, ഫോട്ടോ എടുത്തത് ഒരു ബ്രസീലിയന് ഫോട്ടോഗ്രാഫറാണെന്നതാണ് സത്യം. ഈ സ്ത്രീയുടെ ഐഡന്റിറ്റി ഇപ്പോഴും രഹസ്യമായി തുടരുന്നു. മത്തേവൂസ് ഫെരേരോ എന്ന ഫോട്ടോഗ്രാഫറാണ് 2017-ല് ഈ മോഡലിന്റെ ഫോട്ടോ എടുത്തിരിക്കുന്നത്.
രാഹുൽ ഗാന്ധി കാണിച്ച അതേ ചിത്രം ഫോട്ടോഗ്രാഫറുടെ പോർട്ട്ഫോളിയോയിലും കാണാം. മോഡലിന്റെ പേര് ഫോട്ടോയിൽ എഴുതിയിരുന്നില്ല. ഫോട്ടോഗ്രാഫർ ‘മത്തേവൂസ് ഫെരേരോ’ എടുത്ത ഫോട്ടോകൾ അൺസ്പ്ലാഷ് അല്ലെങ്കിൽ പെക്സൽസ് പോലുള്ള റോയൽറ്റി രഹിത വെബ്സൈറ്റുകളിൽ ഇന്റർനെറ്റിലും എളുപ്പത്തിൽ കണ്ടെത്താൻ കഴിയും.
അതായത് രാഹുൽ ഗാന്ധി തന്റെ അവതരണത്തിൽ കാണിച്ച ഫോട്ടോ ഒരു സ്റ്റോക്ക് ഫോട്ടോ മോഡലായിരുന്നു, ആർക്കും സൗജന്യമായി ഉപയോഗിക്കാം. ഇമേജ്-ഹോസ്റ്റിംഗ് പ്ലാറ്റ്ഫോമായ അണ്സ്പ്ലാഷില് 2017-ല് ഫെരേരോ എടുത്ത ഇതേ മോഡലിന്റെ രണ്ട് ചിത്രങ്ങളുണ്ട്. ഒന്ന്, ഹരിയാന വോട്ടര് ഐഡികളില് പ്രത്യക്ഷപ്പെട്ടു എന്ന് രാഹുല് ഗാന്ധി ആരോപിച്ച ഫോട്ടോയാണ്.
