ന്യൂദൽഹി : ഇന്ത്യൻ വനിതാ ക്രിക്കറ്റ് ടീം ആദ്യമായി ഏകദിന ലോകകപ്പ് കിരീടം നേടിയതിൽ സന്തോഷം പങ്കുവച്ച് കോൺഗ്രസ് പാർട്ടി എംപിയും ലോക്സഭയിലെ പ്രതിപക്ഷ നേതാവുമായ രാഹുൽ ഗാന്ധി. ഈ വിജയം ഒരു പ്രചോദനമാണെന്ന് അദ്ദേഹം പറഞ്ഞു.
ഇന്ത്യൻ ടീമിനെ അഭിനന്ദിച്ച് രാഹുൽ കുറിച്ച വാക്കുകൾ ഒരർത്ഥത്തിൽ ഭാരതത്തിലെ സ്ത്രീകൾക്ക് ലഭിച്ച പുരോഗമനത്തിന്റെ നേർക്കാഴ്ച തന്നെയാണ്.
“ഇതൊരു അഭിമാനകരമായ നിമിഷമാണ്! നമ്മുടെ വനിതാ ക്രിക്കറ്റ് താരങ്ങൾ ചരിത്രം സൃഷ്ടിച്ചു, ദശലക്ഷക്കണക്കിന് ഹൃദയങ്ങൾ കീഴടക്കി. നിങ്ങളുടെ ധൈര്യവും ക്ഷമയും കൃപയും ഇന്ത്യയെ അഭിമാനഭരിതമാക്കി, എണ്ണമറ്റ പെൺകുട്ടികളെ ഭയമില്ലാതെ സ്വപ്നം കാണാൻ പ്രചോദിപ്പിച്ചു,” – രാഹുൽ എക്സിൽ കുറിച്ചു.
