തിരുവനന്തപുരം: സംസ്ഥാന സര്ക്കാര് ആശാവര്ക്കര്മാരുടെ ഓണറേറിയം 1000 രൂപ വര്ധിപ്പിച്ച പശ്ചാത്തലത്തില് ആശമാര് അടിയന്തര സംസ്ഥാന കമ്മിറ്റി വിളിച്ചു. സമരം തുടരാനാണ് തീരുമാനം. സമരത്തിന്റെ രൂപത്തില് നാളെ തീരുമാനമുണ്ടാകും .
1000 രൂപ വര്ദ്ധനവ് എത്രയോ ചെറുതാണ്. വര്ദ്ധനവ് തുച്ഛമാണ്.ആശമാര് ആവശ്യപ്പെട്ടത് 21000 രൂപയാണ്.1000 രൂപ 263 ദിവസം തെരുവില് ഇരുന്ന് നേടിയത് ആണ്.വിരമിക്കല് ആനുകൂല്യം പ്രഖ്യാപനത്തില് ഇല്ല.
ഓണറേറിയം വര്ധിപ്പിക്കേണ്ടത് സര്ക്കാര് ആണെന്ന് മുഖ്യമന്ത്രി അംഗീകരിച്ചുവെന്നും ആശമാര് അറിയിച്ചു.ആ അര്ഥത്തില് സമരം വിജയിച്ചുവെന്നും സമരം നടത്തുന്ന ആശാ പ്രവര്ത്തകര് പറഞ്ഞു.
